ວັນ

ຜົ້ງສາລີ ປຽບຄືດັ່ງສະຫວັນສັ່ງ ວິມານດ່ານແດນພູດອຍ ເປັນດິນແດນວິລະຊົນ ຮັກຄອນພົງພັນເຊື້ອ ງາມເຫຼືອຫຼາຍພູຟ້າ ທະເລຫຼວງໝອກໃຫຍ່ ເຊີນຊີມປາພູຟ້າ ດື່ມເຫຼົ້າຂຽວເອ່ວສະຖານທີ່ ເບີ່ງຮີດຄອງປະເພນີ ເອກະລັກຫຼາຍເຜົ່າເຊື້ອ ເປັນຂອງຕ້ອນທ່ານຜູ້ຊົມ

ອະນຸກຳມະການເນື້ອໃນ ການກະກຽມກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກ ປະຊາຊົນປະຕິວັດລາວ, ເຄື່ອນໄຫວຕິດຕາມ, ຊຸກຍູ້ວຽກງານເນື້ອໃນ ຢູ່ເມືອງຂວາ, ແຂວງຜົ້ງສາລີ

 

ເພື່ອເປັນການສ້າງຜົນງານເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດຄັ້ງ XI ຂອງພັກ ແລະ ກອງປະຊຸໃຫຍ່ຜູ້ແທນອົງຄະນະພັກແຂວງຄັ້ງທີ XI ໃຫ້ເປັນຂະບວການຟົດຟື້ນນັ້ນ, ໃນວັນທີ່ 19 ສິງຫາ 2020 ນີ້, ສະຫາຍ ນ. ທຸມມະລີ ວົງພະຈັນ ຮອງຫົວໜ້າຫ້ອງວ່າການສູນກາງພັກ, ອະນຸກຳມະການເນື້ອໃນການກະກຽມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ປະຊາຊົນປະຕິວັດລາວ, ພ້ອມດ້ວຍຄະນະ ໄດ້ເຄື່ອນໄຫວຕິດຕາມ, ຊຸກຍູ້ວຽກງານເນື້ອໃນ ຢູ່ເມືອງຂວາ, ແຂວງຜົ້ງສາລີ. ໂອກາດນີ້ສະຫາຍ ພອນທະວີ ໄຊມົນຕີ ກຳມະການພັກແຂວງ, ເລຂາພັກເມືອງ, ເຈົ້າເມືອງໆຂວາ, ກໍ່ໄດ້ລາຍງານຫຍໍ້ກ່ຽວກັບການພັດທະນາເສດຖະກິດ - ສັງຄົມຂອງເມືອງໃນໄລຍະຜ່ານມາ. ເຊີ່ງເມືອງຂວາ ເປັນເມືອງໜື່ງທີຕັ້ງຢູ່ໃຕ້ສຸດຂອງແຂວງຜົ້ງສາລີ, ມີເນື້ອທີທັງໝົດ 1.769 ກິໂລຕາແມັດ, ພື້ນ​ທີ​ກວມ 90% ເປັນ​ເຂດ​ພູ​ດອຍ ປະກອບດ້ວຍ 93 ບ້ານ ແບ່ງອອກເປັນ 09 ກຸ່ມບ້ານ, ມີ 5.605 ຄົວເຮືອນ, ມີ 6.938 ຄອບຄົວ, ມີພົນລະເມືອງທັງໝົດ 29.460 ຄົນ, ຍິງ 14.621 ຄົນ. ປະຊາຊົນສ່ວນຫຼາຍດຳລົງຊີວິດຢູ່ເຂດພູດອຍໂດຍຖືເອົາ ອາຊີບຖ່າງປ່າເຮັດໄຮ່ແບບໝູນວຽນ ແລະ ລ້ຽງສັດ, ຈຳນວນໜື່ງດຳລົງຊີວິດຢູ່ຕາມລ່ອງນໍ້າ ແລະ ເສັ້ນທາງເສັ້ັນຫຼວງແຫ່ງຊາດ ຖື​ເອົາ​ອາ​ຊີບ ຄ້າ​ຂາຍ ແລະ ເຮັດ​ການ​ບໍ​ລິ​ການ. ໃນໄລຍະ 06 ເດືອນຜ່ານມາ ລວມຍອດຜະລິດຕະພັນພາຍໃນ ປະຕິບັດໄດ້ 108,73 ຕື້ກີບ ທຽບໃສ່ແຜນປີ ປະຕິບັດໄດ້ 50,50 %. ປັດຈຸບັນສາມາດຂຸດຄົ້ນລາຍຮັບເຂົ້າງົບປະມານໄດ້ທັງໝົດ 2.26 ຕື້ກີບ ເທົ່າກັບ 57% ຂອງແຜນການປີ , ລາຍຮັບພູດທ້ອງຖິ່ນໄດ້ 1,06 ຕື້ກີບ ເທົ່າກັບ 39% ຂອງແຜນການ, ດຸນດຽ່ງຈາກແຂວງ 1,20 ຕື້ກີບ ທຽບໃສ່ແຜນການປີປະຕິບັດໄດ້ 100%, ດ້ານລາຍຈ່າຍ ປະຕິບັດໄດ້ 1,51 ຕຶ້ກີບ ເທົ່າກັບ 38% ຂອງແຜນການປີ.  ສາມາດລຶບລ້າງ​ຄວາມ ທຸກ​ຍາກ​ໄດ້ແລ້ວ 19 ບ້ານ, ກວມ 20,43% ຂອງຈໍານວນບ້ານ​ໃນ​ທົ່ວ​ເມືອງ, ຖ້າທຽບໃສ່ດໍາລັດ 309 ບ້ານພົ້ນທຸກຫຼຸດລົງ 27 ບ້ານກວມ29,03%  ແລະ ບ້ານທຸກຍາກເພີ້ມຂຶ້ນເປັນ 74 ບ້ານ ກວມ 79,56% (ຕາມການລົງປະເມີນຂອງດໍາລັດ 348 / ລບ) ສາມາດລຶບລ້າງຄອບຄົວທຸກຍາກ​ໄດ້​ແລ້ວ 1.706 ຄອບຄົ​ວ, ກວມ 30,88.% ຂອງ​ຈຳນວນຄອບຄົວໃນ​ທົ່ວ​ເມືອງ, ປະຊາກອນພົ້ນທຸກ 8.574 ຄົນ, ກວມ 29,44 % ແລະ ຄອບຄົວ​ທຸກ​ຍາກ​ຍັງ​ເຫລືອ 3.817 ຄອບຄົວ​ກວມ 69,11%, ສ້າງ​ບ້ານ​ພັດທະນາໄດ້ 13 ບ້ານ, ກວມ 13,82% ຂອງຈໍານວນບ້ານໃນທົ່ວເມືອງຕາມດໍາລັດ 309/ນຍ ແລະ ສ້າງຄອບຄົວພັດທະນາໄດ້ 1.152 ຄອບຄົວ, ກວມ18,033%, (ອິງໃສ່ການປະເມີນດໍາລັດ 348 /ລບ ປະຈໍາປີ 2019 ບ້ານພັດະນາບໍ່ໄດ້ຈັກບ້ານເນື່ອງຈາກມາດຖານ ແລະ ເງື່ອນໄຂສູງສະເລ່ຍແລ້ວ 5,6 ລ້ານກີບ/ຄົນ/ປີ) ມີ ຄອບຄົວພັດທະນາ 134 ຄອບຄົວ, ກວມ 2,42% ມີບ້ານຢຸດຕິການຖ່າງປ່າເຮັດໄຮ່ 36 ບ້ານ, ກວມ 38,29%.

ໃນໂອກາດນີ້ ສະຫາຍ ນາງ ທຸມມະລີ ວົງພະຈັນ ຮອງຫົວໜ້າຫ້ອງວ່າການສູນກາງພັກ, ອະນຸກຳມະການເນື້ອໃນການກະກຽມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ປະຊາຊົນປະຕິວັດລາວ ກໍ່ໄດ້ມີຄຳເຫັນແໜ້ນໝັກຕໍ່ການນຳຂອງເມືອງຂວາ ເຊີ່ງກ່ອນອື່ນຫມົດ ສະຫາຍໄດ້ສະແດງຄວາມຍ້ອງຍໍຊົມເຊີຍທີ່ການນຳເມືອງສາມາດປະຕິບັດໄດ້ຫລາຍດ້ານທີ່ພັກ ແລະ ລັດ ກໍ່ຄື ການນຳຂັ້ນແຂວງມອບໝາຍໃຫ້ , ພ້ອມນີ້ ສະຫາຍ ຍັງໄດ້ ເນັ້ນໃຫ້ການນຳເມືອງສືບຕໍ່ປະຕິບັດວຽກງານໂດຍສະເພາະການຜັນຂະຫຍາຍທິດທາງ ນະໂຍບາຍຂອງພັກ - ລັດ ໃນການຈັດຕັ້ງປະຕິບັດໃຫ້ຖືກຕ້ອງຕາມພາລະບົດບາດ ແລະ ສືບຕໍ່ເສີມຂະຫຍາຍນໍ້າໃຈສາມັກຄີ ພາຍໃນເມືອງ ເພື່ອພ້ອມກັນຈັດຕັ້ງປະຕິບັດມະຕິກອງປະຊຸຸມໃຫຍ່ຄະນະບໍລິຫານງານສູນກາງພັກຄັ້ງທີ 10 ສະໄຫມທີ 10, ມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 11 ສະໄຫມທີ 10 ຕິດພັນກັບການຜັນຂະຫຍາຍມະຕິກອງປະຊຸມໃຫຍ່ຂອງອົງຄະນະພັກເມືອງຂວາຄັ້ງທີ່ 15 ເພື່ອສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ 11 ຂອງພັກ, ກໍ່ຄືຂອງແຂວງຜົ້ງສາລີ ໃຫ້ເປັນຂະບວນຟົດຟື້ນ,  ສອດຄ່ອງກັບນະໂຍບາຍຂອງພັກ - ລັດ ວາງອອກ. ພາຍຫຼັງທີ່ສະຫາຍ ນາງ ທຸມມະລີ ວົງພະຈັນ ຮອງຫົວໜ້າຫ້ອງວ່າການສູນກາງພັກ ສຳເລັດການພົບປະກັບການນຳເມືອງແລ້ວຍັງໄດ້ໄປຕິດຕາມໂຄງການເຂື່ອນໄຟຟ້ານໍ້າອູ 4 ແລະ ການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຂອງໜ່ວຍພັກບ້ານຫ້ວຍປາ, ເມືອງຂວາ ເຊີ່ງໝ່ວຍພັກດັ່ງກ່າວສາມາດຍາດໄດ້ໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ 14 ປີຊ້ອນຕິດຕໍ່ກັນ.

ພ້ອມກັນນັ້ນທ່ານຍັງໄດ້ມີຄຳເຫັນແໜ້ນໝັກໃຫ້ອົງການຈັດຕັງຂັ້ນບ້ານຈົ່ງເຊີດຊູ້ນໍ້າຮັກຊາດ, ເປັນກຳລັງຫຼັກແຫລ່ງໃນການພັດທະນາບ້ານຂອງຕົ້ນໃຫ້ຫຼຸດຜ່ອນອອກຈາກຄວາມທຸກຍາກເທື່ອລະກ້າວ, ພ້ອມທັງຮັກສາມູນເຊື່ອຂອງໝ່ວຍພັກໃຫ້ເປັນໝ່ວຍພັກປອດໃສເຂັ້ມແຂວງ ແລະ ໝັກແໜ້ນຕະຫຼອດໄປ.

( ພາບ - ຂ່າວ: ແສງຄຳ ສາລີວັນ )