ວັນ

ຜົ້ງສາລີ ປຽບຄືດັ່ງສະຫວັນສັ່ງ ວິມານດ່ານແດນພູດອຍ ເປັນດິນແດນວິລະຊົນ ຮັກຄອນພົງພັນເຊື້ອ ງາມເຫຼືອຫຼາຍພູຟ້າ ທະເລຫຼວງໝອກໃຫຍ່ ເຊີນຊີມປາພູຟ້າ ດື່ມເຫຼົ້າຂຽວເອ່ວສະຖານທີ່ ເບີ່ງຮີດຄອງປະເພນີ ເອກະລັກຫຼາຍເຜົ່າເຊື້ອ ເປັນຂອງຕ້ອນທ່ານຜູ້ຊົມ

ກົງສຸນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ນະຄອນຫຼວງພະບາງ ມາເຄື່ອນໄຫວຢ້ຽມຍາມ ແລະ ເຮັດວຽກ ຢູ່ແຂວງຜົ້ງສາລີ.

ໃນໂອກາດທີ່ໄດ້ຮັບການແຕ່ງຕັ້ງເປັນກົງສູນໃຫຍ່ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ນະຄອນ ຫຼວງພະບາງຄົນໃໝ່ນັ້ນ. ໃນລະຫ່ວາງວັນທີ່ 15 – 16 ກໍລະກົດ 2020 ນີ້ ສະຫາຍ ຫງວ້ຽນ ດັ່ງ ຮຸ່ງ ກົງສຸນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ນະຄອນ ຫຼວງພະບາງ ພ້ອມດ້ວຍພັນລະຍາ ແລະ ຄະນະ ໄດ້ມາເຄື່ອນໄຫວຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີ. ໂດຍໄດ້ຮັບການຕ້ອນຮັບອັນອົບອຸ່ນຈາກສະຫາຍ ຄຳຜອຍ ວັນນະສານຮັກ ສາການເລຂາພັກແຂວງ, ເຈົ້າແຂວງຜົ້ງສາລີ ພ້ອມດ້ວຍພັນລະຍາ ແລະ ຄະນະ. ຕໍ່ມາວັນທີ່ 16 ກໍລະກົດ 2020 ທ່ານ ກົງສຸນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວພ້ອມດ້ວຍພັນລະຍາ ແລະ ຄະນະ ກໍ່ໄດ້ເຂົ້າພົບປະກັບທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງຜົ້ງສາລີ ພ້ອມດ້ວຍພັນລະຍາ ແລະ ຄະນະ. ທີ່ຫ້ອງຮັບແຂກຫ້ອງວ່າການແຂວງຜົ້ງສາລີ.

ໂອກາດນີ້ທ່ານເຈົ້າແຂວງຜົ້ງສາລີ ກໍ່ໄດ້ຕິລາຄາສູງຕໍ່ການມາຢ້ຽມຍາມ ແລະ ເຮັດວຽກຂອງສະຫາຍ ຫງວ້ຽນ ດັ່ງ ຮຸ່ງ ກົງສຸນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ນະຄອນ ຫຼວງພະບາງ ພ້ອມດ້ວຍພັນລະຍາ ແລະ ຄະນະ ເຊີ່ງເປັນນິມິດໜາຍອັນສຳຄັນໃນການເພີ່ມທະວີສາຍພົວພັນ ແລະ ສະມັກຄີແບບພິເສດອັນສະໜິດແໜ້ນລະຫ່ວາງສອງພັກ - ສອງລັດ ຄືປະຊາຊົນສອງຊາດລາວຫວຽດນາມໃຫ້ນັບມື້ຍີ່ງແໜ້ນແຟ້ນຂື້ນ. ພ້ອມດຽວກັນນັ້ນທ່ານເຈົ້າແຂວງຜົ້ງສາລີຍັງໄດ້ຕິລາຄາສູງຕໍ່ມູນເຊື້ອ ແລະ ໝາກຜົນການພົວພັນຮ່ວມມືລາວ - ຫວຽດນາມໃນໄລຍະທີຜ່ານມາພ້ອມທັງໄດ້ລາຍງານສະພາບຈຸດພິເສດທີ່ຕັ້ງ ແລະ ການພັດທະນາເສດຖະກິດ - ສັງຄົມຂອງແຂວງຜົ້ງສາລີໂດຍຫຍໍ້ໃຫ້ສະຫາຍ ຫງວ້ຽນ ດັ່ງ ຮຸ່ງ ພ້ອມດ້ວຍຄະນະຮັບຊາບຕື່ມອີກ. ຄະນະດຽວກັນທ່ານເຈົ້າແຂວງຜົ້ງສາລີຍັງໄດ້ສະເໜີ ສືບຕໍ່ເພີ່ມພູນສ້າງສາຍພົວພັນມິດຕະພາບ, ນໍ້າໃຈຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ແຂວງຜົ້ງສາລີ ກັບສະຖານກົງສຸນໃຫຍ່ ແຫ່ງ ສສ ຫວຽດນາມ ປະຈຳພາກເໜືອລາວ ທີ່ນະຄອນຫຼວງພະບາງ ໃຫ້ເປັນປົກກະຕິ, ສືບຕໍ່ໃນການເປັນໃຈກາງ, ເປັນຂົວຕໍ່ໃນການປະສານ,ປຸກລະດົມ ຊຸກຍູ້ບັນດານັກທຸລະກິດ, ຫົວໜ່ວຍທຸລະກິດ ຂອງຫວຽດນາມ ທີ່ມີຄວາມສາມາດ ແລະ ເງື່ອນໄຂເຂົ້າມາສຳຫຼວດລົງທຶນ ຢູ່ແຂວງຜົ້ງສາລີ ໃຫ້ຫຼາຍຂຶ້ນ, ສືບຕໍ່ຊ່ວຍເຫຼືອກໍ່ສ້າງຊັບພະຍາກອນມະນຸດໃຫ້ແກ່ແຂວງຜົ້ງສາລີ. ພ້ອມດຽວກັນນັ້ນສະຫາຍ ຫງວ້ຽນ ດັ່ງ ຮຸ່ງ ຍັງໄດ້ກ່າວແດງຄວາມຂອບອົກຂອບໃຈຕໍ່ທ່ານເຈົ້າແຂວງພ້ອມດ້ວຍຄະນະທີ່ໄດ້ຕ້ອນຮັບເປັນຢ່າງດີ ພ້ອມທັງໄດ້ສະເໜີແຈ້ງຈຸດປະສົງຂອງການມາເຄື່ອນໄຫວຢູ່ແຂວງຜົ້ງສາລີ ພ້ອມທັງໃຫ້ຄຳໜັ້ນສັນຍາວ່າຈະໃຫ້ການຮ່ວມືຢ່າງຮອບ້ານ ແລະ ສະໜິດແໜ້ນກັບອົງການປົກຄອງແຂວງຜົ້ງສາລີ ກໍ່ຄືບັນດາແຂວງພາກເໜືອຂອງ ສ ປ ປ ລາວ ນັບມື້ຍີ່ງແໜ້ນແຟ້ນຂື້ນກ່ວາເກົ່າ.

 

ໃນໂອກາດທີ່ ສະຫາຍ ຫງວ້ຽນ ດັ່ງ ຮຸ່ງ ກົງສຸນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ນະຄອນ ຫຼວງພະບາງ ພ້ອມດ້ວຍພັນລະຍາ ແລະ ຄະນະ ໄດ້ມາເຄື່ອນໄຫວຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີ ຍັງໄດ້ໄປຢ້ຽມຊົມໂຮງຮຽນທິດສະດີການເມືອງການປົກແຂວງຜົ້ງສາລີ ເຊີ່ງເປັນການຊ່ວຍເຫຼືອລ້າຂອງແຂວງດຽນບ່ຽນ, ແຂວງເຊີນລາ ແລະ ແຂວງ ລາຍເຈົ້າ ພ້ອມທັງຢ້ຽມຊົມໂຮງຮຽນມັດທະຍົມສົມບູນເທດສະບານເມືອງບຸນເໜືອ ໂດຍການຊ່ວຍເຫຼືອລ້າຂອງລັດຖະບານແຫ່ງ ສ ສ ຫວຽດນາມ ຕື່ມອີກ.