ວັນ

ກອງປະຊຸມໃຫຍ່ຜູ້ແທນ ຄັ້ງທີ Vຂອງທົ່ວອົງຄະນະພັກ ກອງບັນຊາການທະຫານ ແຂວງຜົ້ງສາລີ ໄດ້ໄຂຂື້ນຢ່າງເປັນທາງການ

ໃນຕອນເຊົ້າຂອງວັນທີ່ 26 ພືດສະພາ2020 ຢູ່ທີ່ສະໂມສອນໃຫຍ່ຂອງກອງບັນຊາການທະຫານ, ແຂວງຜົ້ງສາລີໄດ້ເປີດຂື້ນຢ່າງເປັນທາງການ. ໂດຍພາຍໃຕ້ການເປັນປະທານຂອງສະຫາຍ ທິດແກ້ວ ພົມປັນຍາ ກຳມະການພັກແຂວງ, ເລຂາຄະນະພັກຫົວໜ້າການເມືອງກອງບັນຊາການທະຫານແຂວງຜົ້ງສາລີ, ເປັນກຽດເຂົ້າຮ່ວມຂອງສະຫາຍ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງໆຜົ້ງສາລີ, ມີສະຫາຍ ພົນຕີ ແອສະໄໝ ເລື່ອງວັນໄຊ ຄະນະປະຈຳພັກກະຊວງ ຮອງລັດຖະມົນຕິກະຊວງປ້ອງກັນປະເທດ , ມີຜູ່ຕ່າງໜ້າຈາກຄະນະຄະນະຈັດຕັ້ງແຂວງ - ກວດກາແຂວງ, ກຳມະການພັກແຂວງ, ເລຂາພັກເມືອງ,ຮອງເລຂາຄະນະພັກ , ພະນັກງານປະຕິວັດອາວຸໂສບຳນານ, ອະດິດການນຳ, ມີຜູ້ແທນສົມບູນ ເຂົ້າຮ່ວມທັງໝົດ 116  ສະຫາຍ, ຍີງ8 ສະຫາຍ, ທີ່ເປັນຕົວແທນໃຫ້ແກ່ສະມາຊີກພັກ, ທີ່ມາຈາກຄະນະພັກຮາກຖານ ແລະ ໝ່ວຍພັກທັງໝົດ 976 ສະຫາຍ, ຍີງ 171 ສະຫາຍ.

ໃນກອງປະຊຸມສະຫາຍ ທິດແກ້ວ ພົມປັນຍາ ເລຂາຄະນະພັກຫົວໜ້າການເມືອງກອງບັນຊາການທະຫານແຂວງຜົ້ງສາລີ ກໍ່ໄດ້ຂື້ນກ່າວໄຂກອງປະຊຸມຢ່າງເປັນທາງການ ພ້ອມທັງຜ່ານຮ່າງລາຍງານການເມືອງທັງສອງພາກ ເຊີ່ງບາງຕອນໄດ້ທ່ານກ່າວວ່າ: ພາຍໃຕ້ການຊີ້ນຳຈາກຄະນະບໍລິຫານງານພັກແຂວງ ແລະ ການນຳພາຂອງກະຊວງປ້ອງການປະເທດໃນການຈັດຕັ້ງປະຕິບັດມະຕິກອງປະຊຸມໃຫຍ່ຂອງພັກຂັ້ນຕ່າງໆ ໂດຍສະເພາະແມ່ນ ມະຕິກອງປະຊຸມໃຫຍ່ຄັ້ງທີ lV ຂອງອົງຄະນະພັກກອງບັນຊາການທະຫານແຂວງຕະຫຼອດໄລຍະ 5 ປີຜ່ານມາເຫັນວ່າມີຜົນສໍາເລັດຫຼາຍດ້ານ ເປັນຕົ້ນ  ແມ່ນມີສະຖຽນລະພາບທາງດ້ານການເມືອງອັນໜັກແໜ້ນ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ປະຊາຊົນບັນດາເຜົ່າມີຄວາມສາມັກຄີປອງດອງ, ຊີວິດການເປັນຢູ່ຂອງປະຊາຊົນກໍ່ໄດ້ຮັບການແກ້ໄຂ້, ຕາມນະໂຍບາຍຂອງລັດ. ເປັນກ້າວໆຄະນະພັກກອງບັນຊາການທະຫານແຂວງກໍ່ໄດ້ເປັນເຈົ້າການຄັນທຸງນຳໜ້າໃນການເຕົ້າໂຮມຄວາມສາມັກຄີຄວາມເປັນປືກແຜ່ນໃນທົ່ວອົງຄະນະພັກ ແລະຍືດໜັ້ນອຸດົມການປະຕິວັດຍົກສຸງພາລະບົດບາດ ແລະ ຄວາມຮັບຜິດຊອບການເມືອງຊື່ນນຳ ນຳພາຄົ້ນຄ້ວາເຊື່ອມຊືມ,​ຈັດຕັ້ງປະຕີບັດມະຕີກອງປະຊຸມໃຫ່ຍຄັ້ງທີ X ຂອງພັກ ມະຕິກອງປະຊຸມກອງປະຊຸມໃຫ່ຍຄັ້ງທີ X ຂອງອົງຄະນະພັກແຂວງ ມະຕີກອງປະຊຸມໃຫ່ຍຄັ້ງທີ IV ຂອງກະຊວງປ້ອງກັນປະເທດ ແລະ ມະຕີ ກອງປະຊຸມໃຫ່ຍຄັ້ງທີ IVຂອງກອງບັນຊາການທະຫານແຂວງເຂົ້າສູ້ຊິວິດຕົວຈິງ ແລະ ມີຜົນສຳເລັດພ້ອມວາງທິດທາງແຜນການ ແລະ ຄາດໝາຍສູ້ຊົນແຕ່ນີ້ເຖີງກອງປະຊຸມຊຸດໝ້າ ສືບຕໍ່ຄົ້ນຄ້ວາເຊື່ອມຊືມກຳແໜ້ນແນວທາງ ແຜນນະໂຍບາຍ ມະຕີຄຳສັ່ງ ຂອງພັກ ແລະ ລະບຽບກົດໝາຍຂອງລັດໃຫ້ໝັກແໜັ້ນ ເລີກເຊີ່ງ ເດັດດຽວຢືດໜັ້ນອຸດົມການສັງຄົມນີຍົມ.ກໍ່ສ້າງໝ່ວຍພັກໃຫ້ເປັນໝ່ວຍພັກປອດໃສ,​ເຂັ້ມແຂງ,​ໜັກແໜ້ນ ແລະ ເພີ່ມທະວິສືກສາອົບຮົມການເມືອງ-ນຳພາແນວຄິດໃຫ້ພະນັກງານສະມາຊີກພັກນາຍ ແລະ ພົນທະຫານມີຄວາມຮັບຮູ້ເຂົ້າໃຈ ແລະ ເຊື່ອໝັ້ນຕໍ່ການນຳພາຂອງພັກ,​ມີຈິດໃຈບຸກບືນປະຕິວັດ,​ຕັດສີນໃຈຜ່ານຜ່າອຸປະສັກເຮັດສຳເລັດໜ້າທີວຽກງານໄດ້ຮັບການມອບໝາຍ

ກອງປະຊຸມໃຫຍ່ຄັ້ງທີ IV ຂອງອົງຄະນະພັກກອງບັນຊາການທະຫານແຂວງຜົ້ງສາລີ ຜູ້ແທນທີ່ເຂົ້າຮ່ວມຈະໄດ້ພ້ອມກັນຄົ້ນຄ້ວາ, ປະກອບຄໍາເຫັນໃສ່ຮ່າງບົດລາຍງານການເມືອງ ແລະ ທິດທາງແຜນການ ແລະ ຄາດໝາຍສຸ້ຊົນແຕ່ນີເຖິງປີ 2024  , ພ້ອມທັງທົບທວນຕີລາຄາຄືນກ່ຽວກັບການຈັດຕັ້ງປະຕິບັດແນວທາງການປ່ຽນແປງໃໝ່ທີ່ມີຫຼັກການຂອງພັກກໍ່ຄືການຈັດຕັ້ງປະຕິບັດເນື້ອໃນຈິດໃຈມະຕິກອງປະຊຸມໃຫຍ່ຄັ້ງທີ lV ຂອງອົງຄະນະພັກກອງບັນຊາການທະຫານແຂວງ, ກຳນົດທິດທາງໜ້າທີ່ແຕ່ນີ້ຮອດປີ 2024. ພ້ອມທັງເລືອກຕັ້ງເອົາເລຂາຄະນະພັກທະຫານແຂວງເຊີ່ງມີຜູ້ຮັບສະໜັກເລືອກຕັ້ງ 14 ສະຫາຍ ເລືອກເອົາ 11ສະຫາຍ ໃນນີເລືອກເອົາສະຫາຍພັນເອກ ທິດແກ້ວ ພົມປັນຍາ ເປັນເລຂາຄະນະບໍລີຫານງານພັກກອງບັນຊາການທະຫານແຂວງຊຸດໃໝ່.ເລືອກເອົາສະຫາຍພັນເອກ ບຸນເຮື່ອງ ຈັນທະວົງ ເປັນຮອງເລຂາຄະນະບໍລີຫານງານພັກກອງບັນຊາການແຂວງ ແລະ ເລືອກເອົາສະຫາຍ ພັນໂທ ຊຽງແພງ ບົວລະບົງ ເປັນຄະນະ ທັງເປັນປະທານກວດກາ ແລະ ເລືອກເອົາພັນໂທ ຄຳເພັດ ບຸນທະວົງ ແລະ ເລືອກເອົາພັນຕີ ບຸນໄໝ່ ສຸລີເຮື່ອງ ເປັນຮອງປະທານກວດກາ

ກອງປະຊຸມໃຫຍ່ຜູ້ແທນອົງຄະນະພັກກອງບັນຊາການທະຫານແຂວງຜົ້ງສາລີໄດ້ດຳເນີນເປັນເວລາ 1 ວັນເຕັມກໍ່ໄດ້ອັດລົງດ້ວຍຜົນສຳເລັດ.

(  ພາບ - ຂ່າວ ສົມຈັນ ຄຸນແກ້ວ)​