ວັນ

ໂຮງຮຽນທິດສະດີ ການເມືອງການປົກຄອງ ແຂວງຜົ້ງສາລີ ເປີດສົກຮຽນໃໝ່ ລະບົບຊັ້ນກາງຮຸ່ນທີ່ X

 

ພິທີເປີດສົກຮຽນໃໝ່ຂອງໂຮງຮຽນ​ທິດ​ສະ​ດີ​ການ​ເມືອງ​ການ​ປົກ​ຄອງ​ແຂວງ​ຜົ້ງ​ສາ​ລີ​ ລະບົບຊັ້ນກາງຮຸ່ນທີ່ X. ໄດ້ຂັດຂື້ນໃນຕອນບ່າຍຂອງວັນທີ່ 10 ກັນຍາ 2020 ຢູ່ທີ່ສະໂມສອນຂອງໂຮງຮຽນດັ່ງກ່າວ. ໂດຍການເຂົ້າຮ່ວມຂອງທ່ານ ບົວພັນ ວໍລະຈິດ ກຳມະການພັກແຂວງ, ຫົວໜ້າໂຮງຮຽນການເມືອງ ແລະ ການປົກຄອງແຂວງຜົ້ງສາລີ, ມີທ່ານ ພອນໄຊ ອ່ອນສາ ກຳມະການພັກກແຂວງ, ຫົວໜ້າພະແນກສຶກສາທິການ ແລະ ກິລານແຂວງ, ມີທ່ານ ເພັງ ເຈັ່ນຕະພູມ ຮອງຫົວໜ້າຄະນະຈັດຕັ້ງແຂວງ, ມີບັນດາທ່ານຜູ້ຕ່າງໜ້າຈາກແຕ່ລະພາກສ່ວນທີ່ກ່ຽວຂ້ອງ, ຕະຫຼອດຮອດຄູ - ອາຈານ ແລະ ນັກສືກສາຮຸ່ນທີ່ X ເຂົ້າຮ່ວມ.

ໃນພິທີຄະນະຈັດຕັ້ງພິທີກໍ່ໄດ້ຂື້ນຜ່ານຂໍ້ຕົກລົງຂອງສະຖາບັນການເມືອງການປົກຄອງແຫ່ງຊາດ, ສະບັບເລກທີ 904/ສມປຊ ວ່າດ້ວຍການອະນຸມັດເປີດຊຸດຮຽນລະບົບຊັ້ນກາງຮຸ່ນທີ່ X ຢູ່ໂຮງຮຽນການເມືອງການປົກຄອງແຂວງຜົ້ງສາລີ. ຈາກນັ້ນສະຫາຍຄຳເຫຼັກ ຈອມມະພອນ ຮອງຫົວໜ້າໂຮງຮຽນການເມືອງ ແລະ ການປົກຄອງແຂວງຜົ້ງສາລີ ກໍ່ໄດ້ຂື້ນຜ່ານແຜນການດໍາເນີນການຮຽນ-ການສອນທິດສະດີການເມືອງ ແລະການປົກຄອງ ລະບົບຊັ້ນກາງຮຸ່ນທີ X ສົກຮຽນ 2020-2021. ເຊີ່ງໄລຍະເວລາຮຽນທັງໝົດ 15 ເດືອນ ແບ່ງອອກເປັນ 3 ພາກຮຽນ, ພາກຮຽນລະ 05 ເດືອນຄື: ພາກຮຽນທີ 01: ເລີ່ມແຕ່ວັນທີ 07 ກັນຍາ 2020 ເຖິງ ວັນທີ 07 ມັງກອນ 2021. (ພັກພາກຮຽນ 02 ອາທິດ).ພາກຮຽນທີ 02: ເລີ່ມແຕ່ວັນທີ 22 ກຸມພາ 2021 ເຖິງ ວັນທີ 22 ມີຖຸນາ 2021. (ພັກພາກຮຽນ 02 ອາທິດ).ພາກຮຽນທີທີ 03: ເລີ່ມແຕ່ວັນ 05 ກໍລະກົດ 2021 ເຖິງ ວັນທີ 05 ພະຈິກ 2021. ຈື່ງສໍາເລັດການສຶກສາ. ການຮຽນແມ່ນອາທິດໜຶ່ງຮຽນ 05 ວັນ, ວັນໜຶ່ງ 07 ຊົ່ວໂມງ ລວມ 35 ຊົ່ວໂມງ ຕໍ່ອາທິດ (ເວລາໃນຫຼັກສູດ). ຂຶ້ນຫ້ອງບັນລະຍາຍ, ກຽມສໍາມະນາ, ທວນຄືນ, ສອບເສັງ 32 ຊົ່ວໂມງຕໍ່ອາທິດ. ເວລາເຄື່ອນໄຫວກິດຈະກໍາເຊັ່ນວ່າ: ອອກແຮງງານ, ກິລາ, ສີລະປະວັນນະຄະດີ, ຮ່ວມຊີວິດພັກ ຫຼື ອົງການຈັດຕັ້ງມະຫາຊົນ, ສໍາຫຼວດໜ່ວຍ 03 ຊົ່ວໂມງຕໍ່ອາທິດ. ພາກຮຽນທີ 01: ປະກອບມີ 11 ວິຊາຮຽນ, ລວມມີ 28 ໜ່ວຍກິດ ເທົ່າກັບ 448 ຊົ່ວໂມງ. ໃນນີ້: ມີ 02 ວິຊາຫຼັກຄື: ປັດຊະຍາ ແລະວິຊາເສດຖະສາດການເມືອງ ໃນ 02 ວິຊາຫຼັກນີ້ສອບເສັັງດ້ວຍລະດັບ ສມປຊ ( ສອບເສັງປາກເປົ່າ). ພາກຮຽນທີ 02: ປະກອບມີ 11 ວິຊາຮຽນ, ມີ 31 ໜ່ວຍກິດ ເທົ່າກັບ 496 ຊົ່ວໂມງ. ໃນນີ້: ມີ 02 ວິຊາຫຼັກຄື: ວິຊາການປົກຄອງ ແລະວິຊາລັດທິສັງຄົມນິຍົມວິທະຍາສາດໃນ 02 ວິຊາຫຼັກນີ້ສອບເສັັງດ້ວຍລະດັບ ສມປຊ( ສອບເສັງປາກເປົ່າ). ພາກຮຽນທີ 03: ປະກອບມີ 07 ວິຊາຮຽນ, ມີ 21 ໜ່ວຍກິດ ເທົ່າກັບ 336 ຊົ່ວໂມງ. ໃນນີ້: ມີ 02 ວິຊາຫຼັກຄື: ວິຊາກໍ່ສ້າງພັກ ແລະວິຊາຂົນຂວາຍ ແລະກໍ່ສ້າງຮາກຖານການເມືອງໃນ 02 ວິຊາຫຼັກນີ້ສອບເສັັງດ້ວຍລະດັບ ສມປຊ( ສອບເສັງປາກເປົ່າ). ແລະ ພ້ອມທັງເກັບກໍາຂໍ້ມູນຂຽນບົດປ້ອງກັນຈົບຊັ້ນ. ລວມທັງໝົດ 03 ພາກຮຽນ: ມີ 80 ໜ່ວຍກິດເທົ່າກັບ 1.280 ຊົ່ວໂມງ. ມີຄູ-ອາຈານສອນປະຈໍາທັງໝົດ 17 ສະຫາຍ, ຍິງ 4 ສະຫາຍ. ປະລິນຍາໂທ 5 ສະຫາຍ, ຍິງ 1, ປະລິນຍາຕີ 13 ສະຫາຍ, ຍິງ 3 ສະຫາຍ.

ໃນໂອກາດທີ່ມີຄວາມໜາຍຄວາມສຳຄັນນັ້ນ ທ່ານ ບົວພັນ ວໍລະຈິດ ກຳມະການພັກແຂວງ, ຫົວໜ້າໂຮງຮຽນການເມືອງ ແລະ ການປົກຄອງແຂວງຜົ້ງສາລີ ກໍ່ໄດ້ມີຄຳເຫັນກ່າວເປີດສົກຮຽນໃໝ່ຢ່າງເປັນທາງການ ພ້ອມທັງແໜ້ນໝັກໃຫ້ຄູອາຈານເປັນເຈົ້າການການຄົ້ນຄ້ວາແຕ່ງບົດສອນ, ສິດສອນຢ່າງມີຄວາມຫ້າວຫັນ, ມີເນື້ອໃນທີ່ສ່ອງແສງເຖີງທິດສະດີຂອງມາກ - ເລນິນ, ແນວຄິດຂອງທ່ານປະທານ ໄກສອນ ພົມວິຫານ, ຮຽກໃຫ້ນັກສືກສາຮຸ່ນທີ່ X ຈົ່ງຕັ້ງໜ້າຄົ້ນຄ້ວາຮໍ່າຮຽນຢ່າງເປັນປົກກະຕິ ກຳແໜ້ນເອົາບັນດາບົດຮຽນທີ່ສະແດງເຖີ່ງວຽກງານກໍ່ສ້າງພັກ, ວຽກງານຂົນຂວາຍກໍ່ສ້າງຮາກຖານການເມືອງ, ວຽກງານການປົກຄອງ, ການບໍລິຫານ ແລະ ກົດໝາຍຈໍານວນໜຶ່ງ ໃຫ້ພະນັກງານນໍາພາ ຢູ່ທ້ອງຖິ່ນ. ເພື່ອໃຫ້ນຳເອົາບົດຮຽນຈາກການຮໍ່າຮຽນໃນຄັ້ງນີ້ໄປຜັນຂະຫຍາຍເຂົ້າໃນຂົງເຂດວຽກງານທີ່ຕົນເອງຮັບຜິດຊອບ ແລະ ເປັນພະນັກຂັ້ນນຳພາຂອງແຕ່ລະຂົງເຂດໃຫ້ມີບາດກ້າວໃໝ່ຕະຫຼອດໄປ.

( ພາບ - ຂ່າວ: ແສງຄຳ ສາລີວັນ )