ວັນ

ຫຼາຍພາກສ່ວນອຸປະທໍາເງິນສົດ ໃຫ້ແກ່ການກະກຽມ ແລະ ດໍາເນີນກອງປະຊຸມໃຫຍ່ ຄັ້ງທີ 11 ຜູ້ແທນອົງຄະນະພັກແຂວງຜົ້ງສາລີ

 

ໃນຕອນບ່າຍຂອງວັນທີ່ 4 ກັນຍາ 2020 ນີ້, ຢູ່ທີ່ຫ້ອງຮັບແຂກຫ້ອງວ່າການແຂວງຜົ້ງສາລີ. ບັນດາພະແນກການ, ສອງກຳລັງ ປກສ - ປກຊ, ບໍລິສັດຕ່າງໆໄດ້ນຳເອົາເງີນສົດມາມອບໃຫ້ແກ່ອົງການປົກຄອງແຂວງຜົ້ງສາລີເພື່ອການກະກຽມ ແລະ ດໍາເນີນກອງປະຊຸມໃຫຍ່ ຄັ້ງທີ 11 ຂອງຜູ້ແທນອົງຄະນະພັກແຂວງຜົ້ງສາລີ. ເຊີ່ງປະກອບມີ: ບໍລິສັດ ມີດີຂູດຄົ້ນຖ່ານຫີນ ເມືອງບຸນໃຕ້ 20 ລ້ານກີບ, ກອງບັນຊາການຕຳຫຼວດແຂວງ 10 ລ້ານກີບ, ກອງບັນຊາການທະຫານແຂວງ 10 ລ້ານກີບ, ພະແນອຸດສະຫະກຳ ແລະ ການຄ້າແຂວງ 5 ລ້ານກີບ, ພະແນກກະສີກຳ ແລະ ປ່າໄມ້ແຂວງ 5 ລ້ານກີບ, ພະແນກວິທະຍາສາດ ແລະ ເຕັກໂນໂລຊີ 5 ລ້ານກີບ, ທະນາຄານສົ່ງເສີມກະສີກຳ ສາຂາແຂວງຜົ້ງສາລີ 5 ລ້ານກີບ ແລະ ສະຖາບັນການເງີນຈຸລະພາກທີ່ບໍ່ຮັບເງີນຝາກ ໄຊຍະວົງແສງຈຳກັດ 3 ລ້ານກີບ. ລວມເງີນທັງໝົດທີ່ນຳມາມອບໃນຄັ້ງນີ້ 63 ລ້ານກີບ. ໂດຍການກ່າວມອບຂອງຜູ້ຕ່າງໝ້າຈາກແຕ່ລະພາກສ່ວນ ແລະ ກ່າວຮັບໂດຍທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງຜົ້ງສາລີ.

ໂອກາດນີ້,  ທ່ານ ເຈົ້າແຂວງຜົ້ງສາລີ ກໍ່ໄດ້ກ່າວຂອບໃຈ ຕໍ່ ບັນດາ ພາກສ່ວນຕ່າງໆ ທີ່ໄດ້ອຸປະທໍາຊ່ວຍເຫຼືອໃນຄັ້ງນີ້, ເຊີ່ງໄດ້ປະສ່ວນອັນສໍາຄັນ ໃຫ້ແກ່ການກະກຽມ ແລະ ດໍາເນີນກອງປະຊຸມໃຫຍ່ຄັ້ງທີ 11 ຜູ້ແທນອົງຄະນະພັກແຂວງຜົ້ງສາລີ ທີ່ຈະມາເຖິງນີ້ ພ້ອມທັງໄດ້ມອບໃບຍ້ອງຍໍໃຫ້ແກ່ ແຕ່ລະພາກສ່ວນ ອີກດ້ວຍ.

 ( ພາບ - ຂ່າວ: ແສງຄຳ ສາລີວັນ )