ກອງປະຊຸມໃຫຍ່ຜູ້ແທນສະຫະພັນນັກຮົບເກົ່າແຂວງຜົ້ງສາລີ ຄັ້ງທີ IV ໄດ້ໄຂຂື້ນດ້ວຍບັນຍາກາດອັນຟົດຟື້ນ, ຜູ້ແທນມີຄວາມຮັບຜິດຊອບຢ່າງສູງ ແລະ ໄດ້ອັດລົງດ້ວຍຜົນສຳເລັດອັນຈົບງາມ ໃນຕອນບ່າຍຂອງວັນທີ່ 7 ສິງຫາ 2020 ຢູ່ທີ່ສະໂມສອນໃຫຍ່ຂອງເມືອງບຸນເໜືອ. ໂດຍພາຍໃຕ້ການເປັນປະທານຂອງສະຫາຍ ພັນຕີ ຊຽງສົມຈັນ ແສງມະນີ ຄະນະບໍລິຫານງານສະຫະພັນນັກຮົບເກົ່າແຫ່ງຊາດລາວ, ປະທານສະຫະພັນນັກຮົບເກົ່າແຂວງຜົ້ງສາລີ, ເປັນກຽດເຂົ້າຮ່ວມຂອງ ສະຫາຍ ຄຳຜອຍ ວັັນນະສານ ຮັກສາການເລຂາພັກແຂວງ, ເຈົ້າແຂວງໆຜົ້ງສາລີ, ສະຫາຍ ພົນຈັດຕະວາ ຄຳຫອມ ແສງບົວລົມ ຮອງປະທານສະຫະພັນນັກຮົບເກົ່າແຫ່ງຊາດລາວ, ມີບັນດາສະຫາຍກຳມະການປະຈຳພັກແຂວງ, ຜູ້ຊີ້ນຳອົງການຈັດຕັ້ງມາຫະຊົນຂັ້ນແຂວງ, ຜູ້ຕ່າງໜ້າຈາກອົງການຈັດຕັ້ງມະຫາຊົນຂັ້ນແຂວງ, ບັນດາທ່ານຮອງເຈົ້າເມືອງ, ແຂກເຊີນມາຈາກຄະນະພັກພະແນ​ກການອ້ອມຂ້າງແຂວງ, ມີຜູ້ແທນສົມບູນຈຳນວນ 80 ສະຫາຍ, ຍີງ 2 ສະຫາຍ, ທີ່ເປັນຕົວແທນໃຫ້ແກ່ສະມາຊິກສະຫະພັນນັກຮົບເກົ່າທັງໝົດ 1.870  ສະຫາຍ, ຍີງ 140 ສະຫາຍເຂົ້າຮ່ວມ.

ໃນກອງປະຊຸມ ສະຫາຍ ພັນຕີ ຊຽງສົມຈັນ ແສງມະນີ ປະທານສະຫະພັນນັກຮົບເກົ່າແຂວງຜົ້ງສາລີ ກໍ່ໄດ້ຂື້ນກ່າວໄຂກອງປະຊຸມຢ່າງເປັນທາງການ. ພ້ອມທັງຜ່ານຮ່າງລາຍງານການເມືອງທັງສອງພາກ ເຊີ່ງຕະຫຼອດໄລຍະຜ່ານມາສະຫະພັນນັກຮົບເກົ່າແຂວງ ໄດ້​ຕັ້ງ​ໜ້າ​ເສີມ​ຂະ​ຫ​ຍາຍ​ມູນ​ເຊື້ອ​ອັນ​ສະ​ຫງ່າ​ລາ​ສີຂອງ​ຕົນ ແລະ ສືບ​ຕໍ່​ເປັນ​ຄັນ​ທຸງ​ເຕົ້າ​ໂຮມ​ຄວາມ​ສາ​ມັກ​ຄີ​ໃນ​ຖັນ​ແຖວ​ນັກ​ຮົບ​ເກົ່າ   ແລະ  ສະ​ມາ​ຊິກ​ນັກ​ຮົບ​ເກົ່າ​    ​ເປັນ​ປຶກ​ແຜ່ນ​ແໜ້ນ​ໜາ,  ປະ​ສານ​ສົມ​ທົບ​ກັບ​ພາກ​ສ່ວນ​ຕ່າງໆ, ເສີມ​ຂະ​ຫ​ຍາຍ​ສິດ​ເປັນ​ເຈົ້າ​ຂອງ​ປະ​ເທດ​ຊາດ ເອົາ​ໃຈ​ໃສ່​ປຸກ​ລະ​ດົມ​ທຸກ​ກຳ​ລັງ​ແຮງ​ຂອງ​ສະ​ມາ​ຊິກ​ນັກ​ຮົບ​ເກົ່າ​ ເຂົ້າ​ຮ່ວມ​ຂະ​ບວນ​ການ​ຂໍ້​ແຂ່ງ​ຂັນ 3 ດີ 6 ຮັກ​ສາ  ​ຕິດ​ພັນ​ກັບ​ຂະ​ບວນ​ການ​ແຂ່ງ​ຂັນ​ຮັກ​ຊາດ ແລະ ພັດ​ທະ​ນາ ແລະ ຂະ​ບວນ​ການ​ອື່ນໆ ສາ​ມາດ​ຍາດ​ໄດ້ 5 ປີຜ່ານມາ. ທົ່ວ​ແຂວງ​ມີ​ໜ່ວຍ​ນັກ​ຮົບ​ເກົ່າ 59 ໜ່ວຍມີ 319 ຈຸຂື້ນກັບ ມີ​ສະ​ມາ​ຊິກ​ນັກ​ຮົບ​ເກົ່າ 1.870  ສະ​ຫາຍ, ເພດ​ຍິງ 140 ສະ​ຫາຍ.ໃນ​ນີ້, ມີ​​ພະ​ນັກ​ງານ​ບຳ​ນານ 184 ສະ​ຫາຍ,  ຍິງ 27 ສະ​ຫາຍ, ສະ​ມາ​ຊິກ​ນັກ​ຮົບ​ເກົ່າ​ໄດ້​ຮັບ​ອຸດ​ໜູນ 118 ສະ​ຫາຍ,  ບໍ່​ໄດ້​ຮັບ​ອຸດ​ໜູນ1752/140 ສະ​ຫາຍ ຖ້າ​ທຽບ​ໃສ່​ສະ​ໄໝ​ທີ​ II ຜ່ານ​ມາ​ໜ່ວຍ​ສະ​ມາ​ຊິກ​ນັກ​ຮົບ​ເກົ່າ​ລຸດລົງ 3 ໜ່ວຍ,  ສະ​ມາ​ຊິກ​ນັກຮົບເກົ່າ​ລຸດລົງ 766 ສະ​ຫາຍ; ມີ​ຄະ​ນະ​ບໍ​ລິ​ຫານ​ງານຂັ້ນແຂວງ 11 ສະ​ຫາຍ, ສະ​ມາ​ຊິກ​ນັກ​ຮົບ​ເກົ່າ​ເປັນ​ນາຍ​ບ້ານ 15 ສະ​ຫາຍ,ຮອງນາຍບ້ານ 11 ສະຫາຍ ເປັນ​ແນວ​ໂຮມບ້ານ​ 11 ສະ​ຫາຍ, ເປັນ​ຄະ​ນະ​ໄກ່​ເກ່ຍ 27 ສະ​ຫາຍ, ເປັນ ປກ​ສ 20 ສະ​ຫາຍ, ເປັນ​ກອງຫຼອນ 37 ສະ​ຫາຍ ແລະ ເປັນຄະນະແນວລາວສ້າງຊາດ 22 ສະຫາຍ.​ ໃນ​ປະ​ຈຸ​ບັນ​ຖັນ​ແຖວ​ນັກ​ຮົບ​ເກົ່າ​ມີ​ເນື້ອ​ທີ່​ປູກ​ຝັງ​ທັງ​ໝົດ 7.754 ເຮັກ​ຕາໃນ​ນັ້ນ​ເນື້ອ​ທີ່​ປູກ​ໄມ້​ອຸ​ສາ​ຫະ​ກຳ 24.406 ເຮັກ​ຕາ, ປູກ​ຕົ້ນ​ໄມ້​ກິນ​ໝາກ 4.424,851 ເຮັກ​ຕາ, ພືດ​ລົ້ມ​ລຸກ 689,53 ເຮັກ​ຕາ, ດິນ​ສວນ 2.680,25 ເຮັກ​ຕາ ແລະ ເນື້ອ​ທີ​ນາ 981,78 ເຮັກ​ຕາ, ສຳ​ລັບ​ການ​ລ້ຽງ​ສັດ ແມ່ນ​ອາ​ໃສ່​ການ​ລ້ຽງ​ແບບ​ປະ​ຖົມ​ປະ​ຖານ, ລ້ຽງ​ແບບ​ດັ່ງ​ເດີມ​ຍັງ​ບໍ່​ທັນ​​ເປັນ​ຟາມ​ໄດ້ ຍ້ອນ​​ຂາດ​ທຶນ​ຮອນ ແລະ ວິ​ຊາ​ການ ໃນ ​5 ປີຜ່ານມາ ສະ​ມາ​ຊິກ​ນັກ​ຮົບ​ເກົ່າທົ່ວ​ແຂວງ​ສາມາດລ້ຽງສັດມີຄື: ​ຄວາຍ​ທັງ​ໝົດ 1.245 ໂຕ, ງົວ 1.514 ໂຕ, ແບ້ 219 ໂຕ, ໝູ 3.444 ໂຕ, ສັດ​ປີກ 19.427 ໂຕ, ມີ​ໜອງ​ປາ​ທັງ​ໝົດ 97 ໜອງ ປ່ອຍ​ປາ​ແລ້ວ 331.196 ໂຕ. ການ​ສ້າງ​ຕັ້ງ​ກອງ​ທຶນ​ຊ່ວຍ​ເຫຼືອ​ເຊິ່ງ​ກັນ ແລະ ກັນ​ໃນ​ໄລ​ຍະ​ຜ່ານ​ມາ​ທົ່ວ​ແຂວງ​ມີ​ກອງ​ທຶນ​ທັງ​ໝົດ 33 ກອງ​ທຶນ, ມີ​ສະ​ມາ​ຊິກກອງ​ທຶນ 845 ສະ​ຫາຍ, ໃນ​ນັ້ນ​ມີ​ທຶນ​ໝູນ​ວຽນ​ທັງ​ໝົດ 2 ຕື້ 200 ລ້ານກ່ວາກີບ  ຮູບ​ແບບ​ການ​ນຳ​ໃຊ້​ທຶນ​ແມ່ນ​ປ່ອຍ​ເງິນ​ໃຫ້​ສະ​ມາ​ຊິກ​ພາຍ​ໃນ​ໜ່ວຍ​ກູ້​ຢືມ​ເພື່ອ​ແກ້​ໄຂ​ຊີ​ວິດ​ການ​ເປັນ​ຢູ່ ແລະ ເບິ່ງ​ແຍງ​ກັນ​ໃນ​ເວ​ລາ​ເຈັບ​ປ່ວຍ ຫຼື ເສຍ​ຊີ​ວິດ​.

ກອງປະຊຸມໃຫ່ຍ ໄດ້ພ້ອມກັນຄົ້ນຄວ້າ, ຕົກລົງບັນຫາສຳຄັນ  ແລະ ຮັບຮອງເອົາຮ່າງລາຍງານການເມືອງທັງ II ພາກ ແລະ ຮ່າງບົດສໍາຫຼວດການນໍາພາລວມ ຂອງຄະນະບໍລິຫານງານສະຫະພັນແມ່ຍິງແຂວງສະໄໝທີ III ແລະ ພ້ອມທັງກ່າວລາໜ້າທີ່.

ຈາກນັ້ນ ສະຫາຍ ແພງ ເຈັ່ນຕະພົມ ຮອງຫົວໜ້າຄະນະຈັດຕັ້ງແຂວງ ໄດ້ຂື້້ນຜ່ານມາດຖານຂອງຜູ້ຮັບສະໜັກເລືອກຕັ້ງຄະນະບໍລິຫານງານສະຫະພັນນັກຮົບເກົ່າແຂວງຊຸດໃໝ່ ກອງປະຊຸມໄດ້ພ້ອມກັນໃຊ້ສິດຂອງຕົນປ່ອນບັດເລືອກຕັ້ງເອົາຄະນະບໍລິຫານງານສະຫະພັນນັກຮົບເກົ່າແຂວງຜົ້ງສາລີ ສະໄໝທີ IV ບົນພື້ນຖານຫຼັກການລວມສູນປະຊາທິປະໄຕ, ຖືກຕ້ອງຕາມມາດຖານ ແລະ     ເງື່ອນໄຂ ທີ່ກຳນົດໄວ້, ເຊິ່ງມີຜູ້ຮັບສະໝັກເລືອກຕັ້ງທັງໝົດ 13 ສະຫາຍ, ໃນນີ້ໄດ້ເລືອກເອົາ 11 ສະຫາຍ, ກອງປະຊຸມປະຖົມມະເລີກເລືອກໄດ້ເຫັນດີເປັນເອກະພາບເລືອກເອົາ  ສະຫາຍ ພັນໂທ ຄຳອ້ວນ ອຸດວງວີໄລ ເປັນປະທານສະຫະພັນນັກຮົບເກົ່າແຂວງຜົງສາລີ ຄັ້ງທີ່ IV, ເລືອກເອົາສະຫາຍ ພັນໂທ ວຽງທອງ ມະນີແສງ ເປັນຮອງປະທານ, ສະຫາຍ ພັນໂທ ບຸນລັງ ຄອນລະສີ ເປັນຮອງປະທານ ທັງເປັນປະທານກວດກາ ແລະ ເລືອກເອົາ ສະຫາຍ ພັນຕີ ບຸນມີ ສາລີຍະໄຊ  ເປັນຮອງປະທານກວດກາ. ກອງປະຊຸມຍັງໄດ້ເລືອກເອົາຜູ້ແທນສົມບູນ - ສຳຮອງ ໄປເຂົ້າຮ່ວມກອງປະຊຸມໃຫຍ່ຂອງສະຫະພັນນັກຮົບເກົ່າແຫ່ງຊາກລາວຈຳນວນ 9 ສະຫາຍ ສຳຮອງ 1 ສະຫາຍ.

ໃນກອງປະຊຸມທີ່ມີຄວາມໝາຍຄວາມສຳຄັນນີ່ ສະຫາຍ ຄຳຜອຍ ວັັນນະສານ ເຈົ້າແຂວງໆຜົ້ງສາລີ, ສະຫາຍ ພົນຈັດຕະວາ ຄຳຫອມ ແສງບົວລົມ ຮອງປະທານສະຫະພັນນັກຮົບເກົ່າແຫ່ງຊາດລາວ ກໍ່ໄດ້ມີຄຳເຫັນໂອ້ລົມ ຊຶ່ງກ່ອນອື່ນທັງສອງສະຫາຍກໍ່ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະທີ່ສະຫະພັນນັກຮົບເກົ່າທົ່ວແຂວງຍາດມາໄດ້ ແລະ ຍັງໃຫ້ທິດຊີ້ນຳວຽກງານແຕ່ລະດ້ານ ພ້ອມທັງຮຽກຮ້ອງໃຫ້ຄະນະບໍລິຫານງານສະຫະພັນນັກຮົບເກົ່າແຕ່ລະຂັ້ນ ຕ້ອງເອົາໃຈໃສ່ວຽກງານກວດກາຢ່າງຕັ້ງໜ້າເພື່ອແນ່ໃສ່ເຮັດໃຫ້ການຈັດຕັ້ງປະຕິບັດວຽກງານແຕ່ລະດ້ານໄດ້ຮັບຜົນສຳເລັດເປັນຢ່າງດີ ມີແຜນການຈັດຕັ້ງປະຕິບັດ 4 ເນື້ອໃນ 4 ຄາດໝາຍ 4 ບຸກທະລຸໃຫ້ປະກົດຜົນເປັນຈີງ, ເອົາໃຈໃສ່ຕິດຕາມກວດກາ ຊຸກຍູ້ບັນດາສະຫະພັນນັກຮົບເກົ່າບັນດາເມືອງ, ໜ່ວຍຮາກຖານຮັກສາໄດ້ມູນເຊື້ອ ແລະ ຂະຫຍາຍກອງທືນຊ່ວຍເຫຼື່ອເຊິ່ງກັນ ແລະ ກັນ ໃຫ້ກວ້າງຂວາງ, ຕິດຕາມກວດກາການຈັດຕັ້ງປະຕິບັດເນື້ອໃນຂໍ້ແຂງຂັ້ນ 3 ດີ 6 ຮັກສາ ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ. ຄະນະຊຸດໃໝ່ຈົ່ງສືບຕໍ່ຊີ້ນຳ - ນຳພາຈັດຕັ້ງປະຕິບັດມະຕິກອງປະຊຸມໃນຄັ້ງນີ້ໃຫ້ມີຜົນສຳເລັດຍິ່ງໃຫຍ່ກວ່າເກົ່າ ແລະ ປະກົດ​ຜົນ​ເປັນ​ຈິງ.

ພາບ - ຂ່າວ: ແສງຄຳ ສາລີວັນ