ວັນ

ໂຮງງານ ດາລາ ລະລາຍນໍ້າຕານ ແປຮູບເປັນນໍ້າຈຳກັດຜູ້ດຽວ ມອບເງີນຊ່ວຍເຫຼືອ ຈຳນວນ 20 ລ້ານກີບ ໃຫ້ກັບອົງການປົກຄອງ ແຂວງຜົ້ງສາລີ

ເພື່ອເປັນການປະກອບສ່ວນໃຫ້ແກ່ການກະກຽມດຳເນີນກອງປະຊຸມໃຫຍ່ຂອງອົງຄະນະພັກແຂວງຄັ້ງທີ XI ໃຫ້ມີຄວາມສຳເລັດຕາມຄາດໝາຍທີວາງໄວ້ນັ້ນ. ໃນຕອນແລງຂອງວັນທີ່ 4 ສິງຫາ 2020 ນີ້, ຢູ່ທີ່ຫ້ອງຮັບແຂກຫ້ອງວ່າການແຂວງຜົ້ງສາລີ. ໂຮງງານ ດາລາ ລະລາຍນໍ້າຕານ ແປຮູບເປັນນໍ້າຈຳກັດຜູ້ດຽວ ໄດ້ນຳເອົາເງີນສົດ ຈຳນວນ 20 ລ້ານກີບມາມອບໃຫ້ກັບອົງການປົກຄອງແຂວງຜົ້ງສາລີ ໂດຍການກ່າວມອບຂອງ ທ່ານ ນາງ ຄຳແດງ ເມກດາລາ ຜູ້ອຳນວຍການ ໂຮງງານ ດາລາ ລະລາຍນໍ້າຕານ ແປຮູບເປັນນໍ້າຈຳກັດຜູ້ດຽວ ແລະ ກ່າວຮັບໂດຍ ທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງຜົ້ງສາລີ ພ້ອມດ້ວຍຄະນະ. 

ໂອກາດນີ້ທ່ານ ເຈົ້າແຂວງຜົ້ງສາລີ ກໍ່ໄດ້ສະແດງຄວາມຄວາມອົກຂອບໃຈມາຍັງ ໂຮງງານ ດາລາ ລະລາຍນໍ້າຕານ ແປຮູບເປັນນໍ້າຈຳກັດຜູ້ດຽວ ທີ່ເຫັນໄດ້ຄວາມຕ້ອງການທາງດ້ານງົບປະມານທີ່ຈະນຳໃຊ້ເຂົ້າໃນການກະກຽມກອງປະຊຸມໃຫຍ່ຄັ້ງທີ XI  ຂອງອົງຄະນະພັກແຂວງຜົ້ງສາລີ ຈື່ງໄດ້ນຳເອົາວັດຖຸປັດໃຈມາມອບອຸປະທຳໃນຄັ້ງນີ້ ເຊີ່ງມັນໄດ້ປະສ່ວນອັນສໍາຄັນ ແລະ ໃຫຍ່ຫຼວງ ໃຫ້ແກ່ແຂວງຜົ້ງສາລີ ພ້ອມທັງໄດ້ອວຍພອນໃຫ້ບໍລິສັດຈົ່ງດຳເນີນທຸລະກິດໃຫ້ປະສົບຜົນສຳເລັດ ແລະ ຫັວງຢ່າງຍີ່ງວ່າຈະໄດ້ຮັບການຊ່ວຍເຫຼືອໃນຄັ້ງຕໍ່ໄປຕື່ມອີກ. ໂອກາດນີ້ທ່ານ ເຈົ້າແຂວງຜົ້ງສາລີຍັງໄດ້ມອບໃບຍ້ອງຍໍໃຫ້ແກ່ ໂຮງງານ ດາລາ ລະລາຍນໍ້າຕານ ແປຮູບເປັນນໍ້າຈຳກັດຜູ້ດຽວ ອີກດ້ວຍ.

( ພາບ - ຂ່າວ: ແສງຄຳ ສາລີວັນ )