ວັນ

ສຳເລັດກອງປະຊຸມໃຫຍ່ສະມາຊິກພັກ ຂອງໜ່ວຍພັກພະແນກພາຍໃນແຂວງຜົ້ງສາລີຄັ້ງທີ III.

ກອງປະຊຸມໃຫຍ່ສະມາຊິກພັກຄັ້ງທີ III ຂອງໜ່ວຍພັກພະແນກພາຍໃນ​ແຂວງຜົ້ງສາລີ ໄດ້ໄຂຂື້ນດ້ວຍບັນຍາກາດຟົດຟື້ນ, ຄວາມຮັບຜິດຊອບຢ່າງສູງ ແລະ ອັດລົງດ້ວຍຜົນສໍາເລັດ ໃນຕອນ​ບ່າຍວັນທີ 24 ກໍລະກົດ 2020 ຢູ່ທີ່​ຫ້ອງ​ປະ​ຊຸມ​ຊັ້ນ 2 ຂອງ​ຫ້ອງວ່າ​ການ​ແຂວງ ໂດຍການເປັນປະທານຮ່ວມຂອງ ສະຫາຍ ທອງສີ ເສົາສຸລິພົມ ກຳມະການປະຈຳພັກແຂວງ ຮອງເຈົ້າແຂວງໆຜົ້ງສາລີ, ​ມີ​ສະ​ຫາຍ ສົມພາບ ດາລາຈັກ ກຳມະການພັກແຂວງ ເລ​ຂາ​ໜ່ວຍ​ພັກ, ​ຫົວໜ້າພະແນກພາຍໃນແຂວງ, ມີບັນດາສະຫາຍຄະນະຊີ້ນຳກອງປະຊຸມອະນຸກຳມະການຂັ້ນ ແຂວງ, ພ້ອມດ້ວຍໝ່ວຍພັກອ້ອມຂ້າງແຂກຮັບເຊີນຕະຫຼອດຮອດສະມາຊິກພັກພາຍ​ໃນ​ໜ່ວຍ​ພັກເຂົ້າຮ່ວມ.

ໃນ​ກອງ​ປະ​ຊຸມ ສະ​ຫາຍ ສົມພາບ ດາລາຈັກ ເລ​ຂາ​ໜ່ວຍ​ພັກ, ​ຫົວໜ້າພະແນກພາຍໃນແຂວງ, ກໍ່​ໄດ້ຂື້ນກ່າວ​ໄຂ​ກ່າວ​ປະ​ຊຸມ​ຢ່າງ​ເປັນ​ທາງ​ການ​. ພ້ອມ​ທັງຜ່ານຮ່າງບົດລາຍງານການ ເມືອງທັງສອງພາກ ໃນການຊິ້ນໍາ - ນໍາພາການຈັດຕັ້ງປະຕິບັດ ວຽກງານ. ໃນຕະຫຼອດໄລຍະຜ່ານມາສະມາຊິກພັກ - ພະນັກງານມີຄວາມໜັກແໜ້ນ, ເຊື່ອໝັ້ນຕໍ່ການນຳພາຂອງພັກ - ລັດ ຕິດພັນກັບວຽກງານວິຊາສະເພາະໃນຄວາມຮັບຜິດຊອບຂອງຕົນ ໂດຍປະຕິບັດຕາມແນວທາງນະໂຍບາຍຂອງພັກ, ກົດໝາຍຂອງລັດ - ກົດລະບຽບຂອງພັກ, ມະຕິ, ຄຳສັ່ງຂອງຂັ້ນເທິງໄດ້ ຢ່າງດີ. ປະຈຸບັນມີສະມາຊີກພັກທັງໝົດ 22 ສະຫາຍ, ຍີງ 11 ສະຫາຍ ເຊິ່ງໃນຊຸມປີຜ່ານມາໜ່ວຍພັກໄດ້ຮັບນາມມະຍົດເປັນໜ່ວຍພັກເຂັ້ມແຂງ - ຮູ້ນໍາພາຮອບດ້ານປະຈໍາປີ 2018 ແລະ 2019. ຊຶ່ງນັບແຕ່ປີ 2016 ດ້ານກົງຈັກການປົກຄອງທ້ອງຖິ່ນໃນຂອບເຂດທົ່ວແຂວງ ປະກອບມີ 07 ເມືອງ, ມີ 59 ກຸ່ມບ້ານ, ມີ 514 ບ້ານ, ປະຕິບັດນະໂຍບາຍອຸດໜູນໃຫ້ພະນັກງານ ຂັ້ນບ້ານ ຢ່າງທົ່ວເຖີງ ແລະ ເປັນປົກກະຕິ; ມາຮອດປະຈຸບັນທົ່ວ ແຂວງມີຈຸດເຄົ້າພິກັດແຫ່ງຊາດຈໍານວນ 12 ຈຸດ, ຈຸດລະດັບສູງແຫ່ງຊາດ ລວມທັງໝົດມີ 71 ຈຸດ; ຖືກທໍາລາຍ ຈໍານວນ 39 ຈຸດ. ມີພົນລະເມືອງທົ່ວແຂວງທັງໝົດ 190.662 ຄົນ, ຍິງ 94.170 ຄົນ; ນອກນີ້ໄດ້ບໍລິການ ການຈົດທະບຽນຄອບຄົວເຊັ່ນ: ທະບຽນການເກີດ, ຢ່າຮ້າງ, ເສຍຊີວິດ, ທະບຽນແຕ່ງດອງ ນັບທັງຄົນລາວ ຕໍ່ຄົນລາວ ແລະ ຄົນລາວ ຕໍ່ ຄົນຕ່າງປະເທດ. ທົ່ວແຂວງມີ 16 ຊົນເຜົ່າ, ມີ 26 ແຊງ, ມີ 04 ໝວດພາສາ, ຊົນເຜົ່າທີ່ມີພົນລະເມືອງຫຼາຍກ່ວາໝູ່ແມ່ນຊົນເຜົ່າອາຄາ, ຊົນເຜົ່າທີ່ມີພົນລະເມືອງໜ້ອຍທີ່ສຸດ ແມ່ນຊົນເຜົ່າບິດ. ປະຈຸບັນລັດຖະກອນທັງໝົດທົ່ວແຂວງມີ 6.141ທ່ານ, ຍິງ 3.274  ທ່ານ.ໄດ້ຈັດຕັ້ງຜັນຂະຫຍາຍ ລັດຖະດໍາລັດຂອງປະທານ ປະເທດ  ເລກທີ 011/ປປທ  ແລະ ດຳລັດຂອງນາຍົກເລກທີ 121/ນຍ ກ່ຽວກັບການແຂ່ງຂັນ - ຍ້ອງຍໍ ໂດຍສຸ່ມໃສ່ວຽກງານແຂ່ງຂັນໄປຄຽງຄູ່ກັບຂະບວນການແຂ່ງຂັນ  “ ຮັກຊາດ ແລະ ພັດທະນາ ” ພ້ອມກັນນີ້ໄດ້ຄົ້ນຄວ້ານໍາສະເໜີຂັ້ນເທິງຍ້ອງຍໍໃຫ້ແກ່ພະນັກງານ - ລັດຖະກອນ, ການຈັດຕັ້ງ, ບຸກຄົນ ແລະ ນິຕິບຸກຄົນແຕ່ລະ ປະເພດ ນັບທັງພາຍໃນ ແລະ ຕ່າງປະເທດ ຕາມຜົນງານດ້ານ ຕ່າງໆຄື: ປະເພດຫຼຽນຈໍານວນ 1. 208 ຫຼຽນ, ຍ້ອງຍໍລັດຖະບານ 277 ໃບ, ຍ້ອງຍໍເຈົ້າແຂວງ 19, 942 ໃບ. ພ້ອມ​ທັງຜ່ານບົດສໍາຫຼວດການນໍາພາລວມຂອງຄະນະໜ່ວຍ ພັກໃນການຊິ້ນໍາ - ນໍາພາການຈັດຕັ້ງປະຕິບັດວຽກງານໃນຕະຫຼອດໄລຍະທີ່ຜ່ານມາ. ພ້ອມນີ້ຄະນະໜ່ວຍພັກຊຸດເກົ່າກໍ່​ໄດ້ຂື້ນລາໜ້າທີ.

ຈາກນັ້ນ ສະ​ຫາຍ ນາງ ຟອງມະລີ ລາວລີ ຕາງໜ້າອະນຸກຳມະການບຸກຄາລາກອນຂັ້ນແຂວງ ໄດ້ຂື້ນຜ່ານມາດຖານເງືອນໄຂຂອງຜູ້ອອກສະໝັກຮັບເລືອກຕັ້ງ ເຊີ່ງມີຜູ້ສະໝັກ 5 ສະຫາຍ, ຍີງ 1 ສະຫາຍ ກອງປະຊຸມຜູ້ແທນໄດ້ໃຊ້ສິດປະຊາທິປະໄຕ ປ່ອນບັດເລືອກເອົາຄະນະໜ່ວຍພັກຊຸດໃໝ່ ໃນນີ້ໄດ້ເລືອກເອົາສະຫາຍ ສົມພາບດາລາຈັກ  ເປັນເລຂາໜ່ວຍພັກ, ສະຫາຍ ນາງ ເຖົາແກ້ວ ນາມວົງ ເປັນຮອງ​ເລ​ຂາ, ສະຫາຍ ໝໍ່ແສງ ແສງຊົມພູ ເປັນກຳມະການໜ່ວຍພັກ, ທັງເປັນປະທານກວດກາພັກ, ເລືອກເອົາສະຫາຍ ​​ກຸ່ມແສງ ວັນນະວົງ ເປັນຮອງປະທານກວດ ກາພັກ ແລະ ໄດ້ເລືອກເອົາຜູ້ແທນສົມບູນ - ສໍາຮອງ ຕາງໜ້າໃຫ້ແກ່ຄະນະໜ່ວຍພັກ​ພະແນກພາຍໃນແຂວງແຂວງ ໄປຮ່ວມກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ. ພ້ອມດຽວກັນນີ້ ຜູ້ແທນກອງປະຊຸມ ກໍໄດ້ເປັນເອກະພາບກັນຮັບຮອງເອົາບົດລາຍງານການເມືອງສອງພາກ, ແຜນພັດທະນາວຽກງານ​​ການຕ່າງປະເທດ ແລະ ບົດສໍາຫຼວດການນຳພາລວມຂອງຄະນະໜ່ວຍພັກ ຊຸດທີ III ພ້ອມທັງຮັບຮອງເອົາທິດທາງແຜນ ການໃນ 5 ປີຕໍ່ໜ້າ, ແຕ່ປີ2020-2024

alt=""

ກອງປະຊຸມທີ່ມີຄວາມໝາຍສຳຄັນນີ້ໄດ້ຮັບຟັງການໂອ້ລົມຂອງສະຫາຍ ທອງສີ ເສົາສຸລິພົມ ກຳມະການປະຈຳພັກແຂວງ ຮອງເຈົ້າແຂວງແຂວງຜົ້ງສາລີ ເຊິ່ງກ່ອນອື່ນທ່ານກໍ່ໄດ້ຕິລາຄາ ສູງຕໍ່ຜົນງານ ແລະ ໄຊຊະນະທີ່ຍາດມາໄດ້ໃນຕະຫຼອດໄລຍະທີ່ ຜ່ານມາແຫ່ງການຊີ້ນຳໆພາຂອງຄະນະພັກ, ພ້ອມທັງຍົກໃຫ້ເຫັນບັນດາຈຸດອ່ອນຂໍ້ຄົງ ຄ້າງທີ່ຕ້ອງໄດ້ປັບປຸງແກ້ໄຂ, ທັງໃຫ້ທັດ ສະນະ ແລະ ທິດຊີ້ນຳທີ່ເປັນຫຼັກການແຫ່ງການນຳພາພັດທະນາວຽກງານ ພາຍໃນແຂວງຜົ້ງສາລີ ໃນຕໍ່ໜ້າໃຫ້ມີບາດກ້າວໃໝ່ ແລະ ຮຽກຮ້ອງໃຫ້ສະມາຊິກພັກທຸກສະຫາຍຈົ່ງເຊີດຊູຄວາມຮັບ ຜິດຊອບໜ້າທີການເມືອງໃຫ້ສູງ, ກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ເຕົ້າຮ່ວມຄວາມສາມັກຄີພາຍໃນຄະນະ, ສະມາຊິກພັກ, ພະນັງານ - ລັດຖະກອນ ໃຫ້ແໜ້ແຟ້ນ, ເສີມ ຂະຫຍາຍຈຸດດີແກ້ໄຂຈຸດອ່ອນຂໍ້ຄົງຄ້າງ, ແ​ນ່ໃສ່ຍູ້ແຮງພັດທະນາວຽກງານ​​ພາຍໃນແຂວງນັບມື້ເຕີບໃຫ່ຍຂະຫຍາຍຕົວບໍ່ຢຸດຢັ້ງ.

                                                                                                                                                                                                                                                                                                                                                                    ( ພາບ - ຂ່າວ : ແສງ​ຄຳ ສາ​ລີ​ວັນ )