ວັນ

ທ່ານຮອງນາຍົກລັດຖະມົນຕີ, ລັດຖະມົນຕີ, ກະຊວງແຜນການ ແລະ ການລົງທືນ, ເຄືອນໄຫວຢ້ຽມຍາມ ແລະ ພົບປະໂອ້ລົມ ການນຳ ຂອງແຂວງຜົ້ງສາລີ

  

ໃນລະຫ່ວາງວັນທີ່ 23-24 ມີນາ 2020 ນີ້, ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທືນພ້ອມຄະນະໄດ້ມາເຄື່ອນໄຫວຢ້ຽມຍາມ ແລະ ພົບປະໂອລົມການນຳແຂວງຜົ້ງສາລີ ເຊີ່ງໄດ້ຮັບການຕ້ອນຮັບຈາກການນຳແຂວງຜົ້ງສາລີ. ພ້ອມທັງໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານຮອບດ້ານຂອງແຂວງໃນໄລຍະຜ່ານມາຈາກ ທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງຜົ້ງສາລີ. ເຊີ່ງແຂວງຜົ້ງສາລີຕັ້ງຢູ່ພາກເໜືອສຸດຂອງປະເທດລາວ,ມີຊາຍແດນຕິດກັນ ສປ ຈີນ ແລະ ສ.ສ ຫວຽດນາມ ພ້ອມດຽວກັນກໍ່ເຊື່ອມຕໍ່ກັບແຂວງອຸດົມໄຊ ແລະ ຫຼວງພະບາງ; ເນື້ອທີ່ປະມານ 99% ແມ່ນ ເປັນພູດອຍ, ປະກອບມີ 7 ເມືອງ, ປະຊາຊົນສ່ວນຫຼາຍແມ່ນຍືດຖືອາຊີບເຮັດໄຮ່; ໂດຍພື້ນຖານແລ້ວ ຜະລິດຕະພັນຕົ້ນຕໍທີ່ແຂວງຜົ້ງສາລີ ສາມາດຜະລິດ ແລະ ສົ່ງອອກໄດ້ ແມ່ນ: ຊາ, ຢາງພາລາ, ຜົນຜະລິດກະສິກຳລະດູແລ້ງ, ຫມາກແຫນ່ງ, ເຂົ້າ, ງົວ, ຄວາຍ ແລະ ເຄື່ອງປ່າຂອງດົງຈຳນວນໜື່ງ, ໃນປີ 2019 ລວມຍອດຜະລິດຕະພັນພາຍໃນຂອງແຂວງ ຂະຫຍາຍຕົວ ໃນລະດັບ 6,69%; ໃນນີ້ລວມມີຍອດຜະລິດຕະພັນ ກະສິກໍາ, ອຸດສາຫະກໍາ - ຫັດຖະກໍາ  ແລະ ການບໍລິການ ເພີ່ມຂຶ້ນ; ສະເລ່ຍລາຍຮັບຕໍ່ຫົວຄົນໄດ້ 960 ໂດລາ, ທຽບໃສ່ປີຜ່ານມາເພີ່ມຂຶ້ນ 24 ໂດລາ; ພາຍໃນແຂວງມີໂຄງການຊ່ວຍເຫຼືອທາງການເພື່ອການພັດທະນາ 6 ໂຄງການ, ມູນຄ່າ 0,71 ຕື້ກີບ, ກວມ 2,20%, ໂຄງການສືບຕໍ່ມີ 165 ໂຄງການ; ຄຽງຄູ່ກັນນີ້ການນຳຂອງແຂວງກໍ່ໄດ້ມີການ ສົ່ງເສີມປະຊາຊົນທຳການຜະລິດ ກະສິກຳໃຫ້ການເປັນສີນຄ້າເພື່ອສ້າງລາຍຮັບໃຫ້ແກ່ຄອບຄົວ; ໄດ້ສຳເລັດການດຳເນີນກອງປະຊຸມໃຫຍ່ຂອງຄະນະພັກເມືອງ 7 ເມືອງ, ປະຈຸບັນໄດ້ສືບຕໍ່ກະກຽມດໍາເນີນກອງປະຊຸມໃຫ່ຍຂອງພັກ 3 ຂັ້ນ;ກະກຽມດໍາເນີນກອງປະຊຸມໃຫ່ຍຂອງ 2 ອົງຄະນະພັກ ກອງບັນຊາການທະຫານແຂວງ ແລະ ກອງບັນຊາການ ປກສ ແຂວງ ;ກອງປະຊຸມໃຫ່ຍ ຂອງບັນດາຫນ່ວຍພັກ, ຄະນະພັກ ແລະ ກອງປະຊຸມໃຫ່ຍ ຂອງບັນດາອົງການຈັດຕັ້ງມະຫາຊົນຂັ້ນແຂວງ. ພ້ອມດຽວກັນນີ້ກໍ່ໄດ້ຈັດສັນແບ່ງດີນ-ປ່າຂັ້ນບ້ານໂດຍການມີສ່ວນ ຮ່ວມຂອງປະຊາຊົນ; ຕິດຕາມກວດກາ ຜົນກະທົບສິ່ງແວດລ້ອມ ທີ່ຕິດພັນກັບໂຄງການລົງທຶນພາຍໃນ ແລະ ຕ່າງປະເທດ.     

ໂອກາດນີ້ທ່ານລັດຖະມົນຕີກະຊວງແຜນການ ແລະ ການລົງທືນໄດ້ຮັບຟັງກ່ຽວກັບວຽກງານການລົງ ທືນພັດທະນາພາຍໃນແຂວງຈາກພະແນກແຜນການ ແລະ ການລົງທຶນແຂວງຜົ້ງສາລີ; ໃນປິ 2020 ນີ້ ແຂວງຜົ້ງສາລີຈະນໍາໃຊ້ງົບປະມານເຂົ້າໃນການພັດທະນາ 460 ຕື້ກວ່າກີບ, ໃນນັ້ນ: ການລົງທຶນພາຍໃນ(ທຶນຂອງລັດ) 32,32 ຕື້ກີບ, ທຶນຊ່ວຍເຫຼືອເພື່ອການພັດທະນາ 50 ຕື້ກີບ;ໃນນີ້ ລວມທັງທືນຊ່ວຍເຫຼືອ ຈາກປະເທດ ເພື່ອນມິດເຊັ່ນ: ສສ ຫວຽດນາມ ແລະ ສປ ຈີນ, ການລົງທຶນຂອງເອກະຊົນພາຍໃນ ແລະ ຕ່າງປະເທດ ອິກຈຳນວນໜື່ງ; ໃນໄລຍະໝໍ່ໆນີ້ການແຜ່ລະບາດຂອງເຊື້ອຈຸລະໂຣກອັກເສບປອດສາຍ ພັນໃຫມ່ ໂຄວິດ19 ໄດ້ສົ່ງຜົນກະທົບຕໍ່ການຜະລິດ, ການສົ່ງອອກ ການລົງ;ເຂົ້ານຳແລະ ທຶນເອກະຊົນ ແລະ ການຂຸດຄົ້ນລາຍຮັບ ແມ່ນໄດ້ຮັບຜົນກະທົບເຊັ່ນດຽວກັນ;ແຫຼ່ງທືນໃນການພັດທະນາ ແລະ ຫັນປ່ຽນຮູບແບບການຜະລິດສ່ວນຫຼາຍ ແມ່ນອີງໃສ່ການລົງທືນຂອງພາກເອກກະຊົນ;ປະຈຸບັນພະແນກແຜນການ ແລະ ການລົງທືນແຂວງແມ່ນປະສົບ ບັນຫາດ້ານງົບປະມານໃນການພັດທະນາຕົວເມືອງໃໝ່,ໂດຍສະເພາະແມ່ນພື້ນຖານໂຄງລ່າງທີ່ຈຳເປັນເຊັ່ນລະບົບໄຟຟ້າ,ນໍ້າປະປາ,ຖະໜົນຫົນທາງລວມເຖີງສີ່ງອໍານວຍຄວາມສະດວກຕ່າງໆໃນການດືງດູດນັກລົງທືນ.

      ໂອກາດນີ້ທ່ານ ລັດຖະມົນຕີກະຊວງແຜນການ ແລະ ການລົງທືນ ສອນໄຊ ສີພັນດອນ; ໄດ້ຮຽກຮ້ອງໃຫ້ທຸກ ຄົນໃນທົ່ວສັງຄົມຮ່ວມໃຈກັນຕ້ານ ແລະ ສະກັດກັ້ນການ ແຜ່ລະບາດ ຂອງເຊື້ອພະຍາດໂຄວິດ-19 ທັ້ງນີ້ເນື່ອງຈາກວ່າແຂວງຜົ້ງສາລີ ມີຊາຍແດນຕິດຈອດກັນກັບປະເທດ ທີ່ມີການແຜ່ລະບາດ ຂອງເຊື້ອພະຍາດ ເຊີ່ງຈະເຮັດໃຫ້ມີການສູນເສຍຊີວິດ ແລະ ຊັບສີນຂອງພໍ່ແມ່ປະຊາຊົນ, ທ່ານໄດ້ຮຽກຮ້ອງໃຫ້ທຸກໜ່ວຍງານ  ພາຍໃນແຂວງນຳໃຊ້ທ່າແຮງທີ່ມີເຂົ້າໃນການແກ້ໃຂ ຄວາມທຸກຍາກ ຂອງປະຊາຊົນ; ນຳໃຊ້ນ້ຳໜ້າເຂື່ອນ ທີ່ມີເງື່ອນໄຂ ເພື່ອລ້ຽງປາ ;ສ້າງລະບົບຊົນ ລະປະທານ ;ສົມທົບກັບຜູ້ປະກອບການບຸກເບີກເສັ້ນທາງເຂົ້າຫາໝູ່ບ້ານຕ່າງໆ; ພ້ອມດຽວກັນກໍ່ຕ້ອງສົ່ງເສີມປະຊາຊົນທຳການຜະລິດກະສິກຳໂດຍສະເພາະແມ່ນປູກໜາກແໜ່ງ,ຊາ,ປູກເຂົ້າ,ລ້ຽງສັດ ໃຫ່ຍ,ສັດປີກຕາມເງື່ອນໃຂຕົວຈີງ;ຈັດສັນອາຊີບຄົງທີ່ແລະເຕົ້າໂຮມບ້ານນ້ອຍເຂົ້າເປັນບ້ານໃຫ່ຍ;ຂີື້ນແຜນພັດທະນາພາຍໃນ ແຂວງເພື່ອສະເໜີຕໍ່ສະພາແຫ່ງຊາດ, ເອົາໃຈໃສ່ກກວດກາບັນດາໂຄງການຕ່າງທີ່ເປັນການລົງທືນຂອງພາຍໃນ ແລະ ຕ່າງປະເທດທັ້ງນີ້ ເພື່ອຮັບປະກັນຜົນກະທົບຕໍ່ສັງຄົມ ແລະ ສີ່ງແວດລ້ອມ.

( ພາບ - ຂ່າວ: ແສງຄຳ ສາລີວັນ )