ວັນ

ແຂວງຜົ້ງສາລີ ເຜີຍແຜ່ເຊື່ອມຊຶມ ແລະ ຜັນຂະຫຍາຍນິຕິກຳ ຂອງພັກ-ຂອງຊາດ

 

ໃນ​ຕອນ​ບ່າຍ​ຂອງວັນ​ທີ່ 20 ກຸມ​ພາ 2020 ນີ້, ຢູ່​ທີ່​ຫ້ອງ​ປະ​ຊຸມ​ຊັ້ນ 5 ຂອງ​ຫ້ອງວ່າ​ການ​ປົກ​ຄອງ​ແຂວງ​ໄດ້​ເຜີຍ​ແຜ່​ເຊື່ອມ​ຊຶມ ແລະ ຈັດ​ຕັ້ງ​ຜັນ​ຂະ​ຫ​ຍາຍ​ນິ​ຕິ​ກຳທີ່​ສຳ​ຄັນ​ຂອງ​ພັກ​ຂອ​ງ​ຊາດ​ຂື້ນຢ່າງ​ເປັນ​ທາງ​ການ​ ໂດຍພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ຄຳ​ຜອຍ​ ວັນ​ນະ​ສານ ຮັກ​ສາ​ການ​ເລ​ຂາ​ພັກ​ແຂວງ, ເຈົ້າ​ແຂວງໆ​ຜົ້ງ​ສາ​ລີ, ​ເຂົ້າ​ຮ່ວມ​ຮັບ​ຟັງມີ​ບັນ​ດາ​ທ່ານ​ກຳ​ມະ​ການ​ປະ​ຈຳ​ພັກ​ແຂວງ, ກຳ​ມະ​ກາ​ນ​ພັກ​ແຂວງ, ເຈົ້າ​ເມືອງ - ຮອງ​ເຈົ້າ​ເມືອງ ຈາກ 7 ເມືອງ, ຫົວ​ໜ້າ - ຮອງ​ຫົວ​ໜ້າ​ພະ​ແນ​ກ, ກອງ​ບັນ​ຊາ​ການ​ ປກ​ສ - ປກ​ຊ, ອົງ​ການ​ທຽບ​ເທົ່າ - ລັດ​ວິ​ສ​ະ​ຫະ​ກີດ​ອ້ອມ​ຂ້າງ​ແຂວງ ​ພ້ອມ​ດ້ວຍ​ພາກ​ສ່ວນ​ທີ່​ກ່ຽວ​ຂ້ອງ​ເຂົ້າ​ຮ່ວມ.

ເອກ​ະ​ສານ​ທີ່​ນຳ​ມາ​ເຜີຍ​ແຜ່​ໃນ​ຄັ້ງ​ນີ້​ປະ​ກອບມີ 8 ເອ​ກະ​ສານ​ທີ່​ສຳ​ຄັນ​ຄື: ຂໍ້​ຕົກ​ລົງ​ຂອງ​ສອງ​ກົມ​ການ​ເມືອງ ລາວ​ - ຫວຽດ​ນາມ ປະ​ຈຳ​ປີ 2020, ຜົນ​ຂອງກອງ​ປະ​ຊຸມ​ສຸດຍອດ​ຄັ້ງ​ທີ່ 12 ລະ​ຫ່​ວາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ກັບ ພັກ​ປະ​ຊາ​ຊົນ​ກຳ​ປູ​ເຈຍ, ຂໍ້​ຕົກ​ລົງ​ຄັ້ງ​ທີ່ 42 ຂອງ​ຄະ​ນະ​ກຳ​ມະ​ການ​ຮ່ວມ​ມື ລາວ - ຫວຽດ​ນາມ ແລະ ບັນ​ດາ​ສັນ​ຍາ​ຮ່ວມ​ມື​ລະ​ຫ່​ວາງ ສອງ​ລັດ​ຖະ​ບານ, ຄຳ​ສັງ​ຂອງ​ກົມ​ການ​ເມືອງ​ສູນ​ກາງ​ພັກ​ກ່ຽວ​ກັບ​ການ ​​ກະ​ກຽມ ແລະ ສະ​ເຫຼີມ​ສະ​ຫຼອງ​ບັນ​ດາ​ວັນ​ສຳ​ຄັນ​ປະ​ຫວັດ​ສາດລະ​ດັບ​ຊາດ ໃນ​ປີ 2020, ທີ່​ສະ​ເໜີ​ໂດຍ​ທ່ານ ຄຳ​ຜອຍ​ ວັນ​ນະ​ສານ ເຈົ້າ​ແຂວງໆ​ຜົ້ງ​ສາ​ລີ. ເອ​ກະ​ສານ ຜົນ​ສຳ​ເລັດ​ຂອງ​ການ​ຢ້ຽມ​ຍາມ ສ​ປ ຈີນ ຢ່າງ​ເປັນ​ທາງ​ການ​ຂອງ​ສະ​ຫາຍ​ນາ​ຍົກ​ລັດ​ຖະ​ມົນ​ຕີ​ແຫ່ງ ສ​ປ​ປ ລາວ, ເອ​ກະ​ສານ​ຂອດ​ການ​ຮ່ວມ​ມື​ວ່າ​ດ້ວຍ​ການ​ຮ່ວມ​ພັດ​ທະ​ນາ​ແລວທ​າງ​ເສດ​ຖະ​ກິດ ລາວ - ຈີນ ( 2019 – 2030 ) ທີ່​ສະ​ເໜີ​ໂດຍ​ທ່ານ ຄຳ​ເຫຼັກ ໃຈ​ອີ​ສານ ກຳ​ມະ​ການ​ປະ​ຈຳ​ພັກ​ພັກ​ແຂວງ, ຫົວ​ໜ້າ​ພະ​ແນກ​ແຜນ​ການ ແລະ ການ​ລົງ​ທືນ​ແຂວງ, ເອ​ກະ​ສານ ຂໍ້​ຕົກ​ລົງ​ກ່ຽວ​ກັບ​ການ​ສ້າງ​ຄູ່​ຮ່ວມ​ຊະ​ຕາ​ກຳ ລາວ - ຈີນ ທີ່​ສະ​ເໜີ​ໂດຍ​ທ່ານ ນາງ ​ຈັນ​ມະ​ນີ ນາມ​ວົງ ກຳ​ມະ​ການ​ພັກ​ແຂວງ, ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ, ເອ​ກະ​ສານ ມະ​ຕິ​ຕົກ​ລົງ​ຂອງ​ຄະ​ນະ​ປະ​ຈຳ​ພັກ​ແຂວງ ວ່າ​ດ້ວຍ​ການ​ແຕ່ງ​ຕັ້ງ​ຄະ​ນະ​ຮັບ​ຜີດ​ຊອບ​ຂັ້ນ​ແຂວງ​ເພື່ອ​ກະ​ກ​ຽມ ແລ​ະ ສະ​ເຫຼີມ​ສະ​ຫຼອງ​ບັນ​ດາ​ວັນ​ສຳ​ຄັນ​ປະ​ຫວັດ​ສາດ ລະ​ດັບ​ຊາດ​ໃນ​ປີ 2020 ຢູ່​ແຂວງ​ຜົ້ງ​ສາ​ລີ ທີ່​ສະ​ເໜີ​ໂດຍ​ທ່ານ ບົວ​ຫົງ ຄຳ​ຫາ ຫົວ​ໜ້າ​ຫ້ອງວ່າ​ການ​ປົກ​ຄອງ​ແຂວງ.

 ໃນ​ໂອ​ກາດນີ້​ທ່ານ ຄຳ​ຜອຍ​ ວັນ​ນະ​ສານ ເຈົ້າ​ແຂວງໆ​ຜົ້ງ​ສາ​ລີ ຍັງ​ໄດ້​ຮຽກ​ຮ້ອງ​ມາ​ຍັງ​ທຸກ​ພາກ​ສ່ວນ​ທີ່​ເຂົ້າ​ຮ່ວມ​ຮັບ​ຟັງ​ການ​ເຜີຍ​ແຜ່​ເອ​ກະ​ສານ​ໃນ​ຄັ້ງ​ນີ້​ຈົ່ງ​ກຳ​ແໜ້ນ​ເອົາບັນ​ດານິ​ຕິ​ກຳ, ເອກ​ະສານຕ່າງໆ​ໃຫ້​ເລີກ​ເຊີ່ງ ແລະ ມີ​ຄວາມ​ຮັບ​ຜີດ​ຊອບ​ສູງ, ພ້ອມ​ທັງນຳ​ເອົາ​ເນື້ອ​ໃນ​ຕ່າງໆໄປ​​ຈັດ​ຕັ້ງຜັນ​ຂະ​ຫ​ຍາຍໃນ​ກົມ​ກອງ​ຂອງ​ຕົນໃຫ້​ທົ່ວ​ເຖີ່ງ, ທັນ​ການ ແລະ ມີ​ປະ​ສິດ​ຕິ​ພາບ​ສູງ​ສຸດ.

ພາບ - ຂ່າວ: ແສງ​ຄຳ ສາ​ລີ​ວັນ