ວັນ

ທ່ານ ເຈົ້າແຂວງຜົ້ງສາລີ ພ້ອມດ້ວຍຄະນະສະເພາະກິດ ຂັ້ນແຂວງ ລົງຕິດຕາມຊຸກຍູ້ ວຽກງານເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດ COVID-19 ຢູ່ໂຮງໝໍແຂວງ.

ດ້ວຍຄວາມເປັນຫ່ວງເປັນໄຍຂອງການນຳແຂວງຜົ້ງສາລີກໍຄືຄະນະສະເພາະຂັ້ນແຂວງ ໃນການເຝົ້າລະວັງເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຢູ່ແຂວງຜົ້ງສາລີນັ້ນ. ໃນຕອນເຊົ້າຂອງວັນທີ່ 11 ເມສາ 2020 ນີ້ ທ່ານຄໍາຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງໆຜົ້ງສາລີ ພ້ອມດ້ວຍຄະນະສະເພາະຂັ້ນແຂວງໄດ້ລົງຕິດຕາມຊຸກຍູ້ວຽກງານເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຢູ່ໂຮງໝໍແຂວງຜົ້ງສາລີ. ໃນການລົງເຄືອນໄຫວວຽກງານຄັ້ງນີ່ທ່ານເຈົ້າແຂວງພ້ອມດ້ວຍຄະນະສະເພາະກິດຂັ້ນແຂວງໄດ້ໄປຕິດຕາມຢ້ຽມຊົມສະຖານທີ່ຮອງຮັບປິ່ນປົວຄົນຕິດເຊື້ອພະຍາດໂຄວິດ19 ຂອງໂຮງໝໍແຂວງ ເຊີ່ງປະກອບມີ 1 ຕືກອາຄານ, ມີ 7 ຫ້ອງ, 7 ຕຽງ ແລະ ມີອຸປະກອນພື້ນຖານໃນການປ້ອງກັນພະຍາດໂຄວິດ - 19 ຄົບຊຸດໃນການຮອງຮັບປີ່ນປົວສຸກເສີນຢ່າງທັນການ.

ໂອກາດນີ້ ທ່ານເຈົ້າແຂວງໆຜົ້ງສາລີ ຍັງໄດ້ຮຽກຮ້ອງ ແລະ ໃຫ້ກຳລັງໃຈຄະນະແພດໝໍທີ່ປະຈຳການຢູ່ໂຮງໝໍແຂວງກໍ່ຄືໂຮງໝໍແຫ່ງຕ່າງໆຈົ່ງພ້ອມກັນສາມັກຄີປະຕິບັດໜ້າທີ່ຂອງຕົນໃຫ້ດີ, ຕິດຕາມເຝົ້າລະວັງພະຍາດໂຄວິດ 19 ຢ່າງໃກ້ຊີດ, ພ້ອມທັງຕິດຕາມອາກາດຄົນເຈັບ, ຄົນໄຂ້ ທີ່ມາໃຊ້ບໍລິການຢູ່ພາຍໃນໂຮງໝໍແຂວງເປັນປົກກະຕິ, ພ້ອມທັງໃຫ້ອໍານວຍຄວາມສະດວກແກ່ຄົນເຈັບຢ່າງທົ່ວເຖີ່ງ. ທັງນີ່ກໍ່ເພື່ອເຮັດໃຫ້ແຂວງຜົ້ງສາລີປອດໄພຈາກພະຍາດໂຄວິດ 19.

ໃນໂອກາດທີ່ ທ່ານ ຄຳຜອຍ ວັນນະສານ ເຈົ້າແຂວງໆຜົ້ງສາລີ ພ້ອມດ້ວຍຄະນະສະເພາະກິດຂັ້ນແຂວງລົງເຄື່ອນໄຫວວຽກງານຄັ້ງນີ້ຍັງໄດ້ນຳເອົາ ເຄື່ອງອຸປະກອນປ້ອງກັນພະຍາດໂຄວິດ 19 ແລະ ເງີນສົດຈຳນວນໝື່ງໄປມອບໃຫ້ກັບໂຮງໝໍແຂວງຜົ້ງສາລີຕື່ອີກ.

( ພາບ - ຂ່າວ: ແສງຄໍາ ສາລີວັນ )