ຜົ້ງສາລີ-ຢຸນນານ ເສີມຂະຫຍາຍຮັດແໜ້ນ ຄວາມສາມັກຄີແບບພິເສດ

ເມື່ອບໍ່ດົນມານີ້ ທ່ານ ເວິນຊີງ ເລຂາພັກ ນະຄອນພູ ເອີ ແຂວງຢຸນນານ ພ້ອມດ້ວຍ ຄະນະໄດ້ເດີນທາງມາເຄື່ອນ ໄຫວຢ້ຽມຢາມພົບປະກັບການ ນຳແຂວງຜົ້ງສາລີ ໂດຍໄດ້ຮັບ ການຕ້ອນຮັບຢ່າງອົບອຸ່ນຈາກ ທ່ານ ຄຳເຈນ ວົງໂພສີ ກຳມະ ການສູນກາງພັກ ເລຂາພັກ ແຂວງ ເຈົ້າແຂວງຜົ້ງສາລີ ພ້ອມຄະນະທີ່ໂຮງແຮມພູຟ້າ.

ການພົບປະສອງຝ່າຍໄດ້ ດຳເນີນໄປດ້ວຍບັນຍາກາດໃນຖານເພື່ອນມິດສະຫາຍ, ບ້ານໃກ້ເຮືອນຄຽງອັນສະໜິດ ສະໜົມ ແລະ ຈິງອົກຈິງໃຈຕໍ່ ກັນ ຖານຄູ່ຮ່ວມມືຍຸດທະ ສາດຮອບດ້ານແບບໝັ້ນຄົງ ແລະ ຍາວນານສອງປະເທດ ລາວ-ຈີນ, ເວົ້າສະເພາະແຂວງ ຜົ້ງສາລີ-ນະຄອນພູເອີ, ການ ພົບປະສອງຝ່າຍຄັ້ງນີ້ ແຂວງ ຜົ້ງສາລີນຳໂດຍທ່ານ ຄຳເຈນ ວົງໂພສີ ພ້ອມດ້ວຍຄະນະ, ຝ່າຍນະຄອນພູເອີ ນຳໂດຍ ທ່ານ ເວິນຊີງ ພ້ອມດ້ວຍຄະນະ ໂອກາດນີ້ ທັງສອງຝ່າຍ ກໍໄດ້ ສະເໜີສະພາບຈຸດພິເສດພາຍ ໃນທ້ອງຖິ່ນຂອງຕົນໃຫ້ກັນ ຊາບ ແລະ ພ້ອມທັງຕີລາຄາ ໝາກຜົນການຮ່ວມມືໃນໄລ ຍະ 3 ປີ (2012-2015) ຜ່ານ ມາ ແລະ ໄດ້ປຶກສາຫາລືເອ ກະພາບທິດທາງການຮ່ວມມື ໃນ 2 ປີຕໍ່ໜ້າ (2016-2017) ເປັນຕົ້ນແມ່ນວຽກງານເສດຖະ ກິດ, ການຄ້າ, ການລົງທຶນ, ວຽກງານວັດທະນະທຳ-ສັງຄົມ, ວຽກງານປ້ອງກັນຊາດ-ປ້ອງ ກັນຄວາມສະຫງົບ, ວຽກງານ ຊາຍແດນ ແລະ ວຽກງານການ ເມືອງ. ພ້ອມກັນນັ້ນ ສອງຝ່າຍ ຍັງໄດ້ເປັນເອກະພາບໃຫ້ການ ຊ່ວຍເຫຼືອດ້ານຕ່າງໆ ເປັນຕົ້ນ ແມ່ນສືບຕໍ່ຕິດຕາມຊຸກຍູ້ບັນ ດາໂຄງການລົງທຶນໃນຂົງເຂດ ກະສິກຳ-ປ່າໄມ້, ອຸດສາຫະກຳ ປຸງແຕ່ງ, ພະລັງງານ-ບໍ່ແຮ່ ທີ່ ໄດ້ຮັບການອະນຸມັດແລ້ວໃຫ້ ດຳເນີນເຄື່ອນໄຫວຕາມສັນ ຍາທັງສອດຄ່ອງກັບນະໂຍ ບາຍຂອງສອງຝ່າຍ, ສືບຕໍ່ກໍ່ ສ້າງບຸກຄະລາກອນ, ຮ່ວມມື ສະກັດກັ້ນ ແລະ ເຝົ້າລະວັງພາ ຍຸພະຍາດຕ່າງໆທີ່ອາດເກີດ ຂຶ້ນລຽບຕາມຊາຍແດນ ໃນນີ້ ນະຄອນພູເອີ ເຫັນດີສືບຕໍ່ ຊ່ວຍຮັບກວດ ແລະ ປິ່ນປົວ ຄົນເຈັບໃຫ້ແກ່ພົນລະເມືອງ ແຂວງຜົ້ງສາລີ ແລະ ໃນປີ 2015 ນີ້ ໂຮງໝໍນະຄອນພູເອີ ໄດ້ຊ່ວຍເຫຼືອອຸປະກອນການ ແພດໃຫ້ໂຮງໝໍແຂວງຜົ້ງສາລີ ເປັນມູນຄ່າ 300.000 ຢວນ, ສືບຕໍ່ເປີດສາຍທ່ອງທ່ຽວ 5 ສາຍ ຜົ້ງສາລີ-ນະຄອນພູເອີ- ຫຼວງພະບາງ ໂດຍໃຊ້ໜັງສື ຜ່ານແດນຮ່ວມມືການທ່ອງ ທ່ຽວ 3 ປະເທດ: ຜົ້ງສາລີ-ນະ ຄອນພູເອີ-ແຂວງດຽນບຽນຟູ, ສືບຕໍ່ຊຸກຍູ້ກອງບັນຊາການທະ ຫານປ້ອງກັນຊາຍແດນແຂວງ ຢຸນນານ ຊ່ວຍກໍ່ສ້າງສຳນັກ ກອງຮ້ອຍ ທະຫານຊາຍແດນ ຂອງແຂວງຜົ້ງສາລີຢ່າງຄົບ ຊຸດສອງກອງຮ້ອຍ, ສືບຕໍ່ປະ ສານສົມທົບ ແລະ ສືບຕໍ່ຮ່ວມ ມືກັນສຶກສາອົບຮົມປະຊາຊົນ ທີ່ຢູ່ລຽບຊາຍແດນ ສອງຝ່າຍ ໃຫ້ຮັບຮູ້ເຂົ້າໃຈຕໍ່ແນວທາງນະ ໂຍບາຍຂອງສອງພັກ-ສອງ ລັດ ເພື່ອໃຫ້ເຂົາເຈົ້າເປັນເຈົ້າ ການໃນການເຄົາລົບ, ປະຕິບັດ ລະບຽບຊາຍແດນຂອງກັນ ແລະ ກັນ, ພ້ອມກັນຕ້ານ ແລະ ສະກັດກັ້ນບັນດາປະກົດການ ຫຍໍ້ທໍ້ທີ່ກໍ່ໃຫ້ເກີດຄວາມບໍ່ສະ ຫງົບຢູ່ຕາມຊາຍແດນເຊັ່ນ: ການຂຸດຄົ້ນເຄື່ອງປ່າຂອງດົງ, ຄ້າຂາຍເຖື່ອນ, ການເຂົ້າ- ອອກເມືອງ ແລະ ແຕ່ງດອງທີ່ ບໍ່ຖືກຕ້ອງຕາມລະບຽບກົດ ໝາຍ ເພື່ອໃຫ້ຊາຍແດນສອງ ຝ່າຍກາຍເປັນຊາຍແດນສັນ ຕິພາບ, ມິດຕະພາບ ແລະ ພັດທະນາເທື່ອລະກ້າວ. ໃນໂອກາດດຽວກັນນີ້ ທັງ ສອງຝ່າຍຍັງໄດ້ພ້ອມກັນລົງ ນາມເຊັນບົດບັນທຶກຄວາມ ເຂົ້າໃຈລະຫວ່າງແຂວງຜົ້ງສາ ລີ ສປປ ລາວ ກັບ ນະຄອນພູເອີ ແຂວງຢຸນນານ ແຫ່ງ ສປ ຈີນ ຊຶ່ງຕາງໜ້າຝ່າຍແຂວງຜົ້ງສາລີ ໂດຍທ່ານ ຄຳເຈນ ວົງໂພສີ ເຈົ້າແຂວງຜົ້ງສາລີ ແລະ ຝ່າຍ ນະຄອນພູເອີ ແຂວງຢຸນນານ ໂດຍທ່ານ ເວິນຊີງ ເລຂາພັກ ນະຄອນພູເອີ. ພ້ອມກັນນັ້ນ ພາກສ່ວນທີ່ກ່ຽວຂ້ອງທັງສອງ ຝ່າຍ ກໍຍັງໄດ້ລົງນາມເຊັນບົດ ບັນທຶກເຊັ່ນດຽວກັນ ເປັນຕົ້ນ ແມ່ນຂົງເຂດກະສິກຳ-ປ່າໄມ້, ເຕັກໂນໂລຊີ, ສຶກສາ, ສາທາ, ການຄ້າ ແລະ ໂຮງໝໍ.

(ຂ່າວ-ພາບ: ແສງຄຳ ສາລີວັນ)